Ho‘sheya 6:1-11
6 «Keling, Yahovaga qaytaylik!U bizni tilka-pora qildi+, lekin O‘zi shifo beradi.
Bizni jarohatladi, ammo yaramizni O‘zi bog‘laydi.
2 Ikki kundan keyin bizni tiriltiradi.
Uchinchi kuni bizni oyoqga turg‘izadi,Biz Uning huzurida yashaymiz.
3 Keling, Yahovani tanib-bilaylik, Uni yaxshiroq bilishga intilaylik.
Tongda quyosh chiqqaniday, Uning kelishi ham muqarrar.U xuddi jaladay,Yerni sug‘organ bahor yomg‘iriday keladi».
4 «Ey Efrayim, seni nima qilsam ekan?
Ey Yahudo, seni-chi, nima qilay?
Zero, mehr-sadoqatingiz tonggi bulutday,Tezda yo‘q bo‘lib ketadigan shudring kabidir.
5 Shu bois, seni payg‘ambarlar orqali chopib tashlayman+.Og‘zimdan chiqqan so‘zlar bilan halok etaman+,
Senga chiqarilgan hukmlar nurday porlaydi+.
6 Axir Menga qurbonlik emas, mehr-sadoqat,Butunlay kuydiriladigan qurbonliklar emas, Xudoni tanib-bilishingiz yoqadi+.
7 Biroq xalqim o‘tkinchi inson singari ahdni buzdi+.
Ular o‘sha yerda Menga xiyonat qildi.
8 Gilad — yomonlik qiluvchilarning shahri+,U qon izlariga to‘ladir+.
9 Ruhoniylar — pistirmada yotgan bosqinchilar to‘dasiga o‘xshaydi.
Ular Shakam+ yo‘lida qotillik qiladi,Chunki ular uyatsizdir.
10 Isroil xonadonida dahshatli bir narsani ko‘rdim.
Efrayim u yerda fohishalik qiladi+,Isroil o‘zini bulg‘aydi+.
11 Ey Yahudo, sen uchun o‘rim-yig‘im vaqti belgilandi,O‘shanda xalqimni asirlikdan qaytaraman»+.
