Ho‘sheya 7:1-16
7 «Har safar Isroilga shifo bermoqchi bo‘lganimda,Efrayimning xatosi+,Samariyaning yovuzliklari oshkor bo‘ladi+.
Ular qing‘ir ishlarga qo‘l uradi+.O‘g‘rilar uylarga kiradi, bosqinchilar to‘dasi yo‘lto‘sarlik qiladi+.
2 Barcha yovuzliklarini esga olishimni ular xayoliga ham keltirmaydi+.
Ular o‘z ishlariga o‘ralashib qoldi,Bularning bari ko‘z o‘ngimdadir.
3 Ular qabihliklari bilan shohni,Hiylalari bilan beklarni quvontiradi.
4 Ularning hammasi zinokor,Ular novvoy qizdirgan tandirga o‘xshaydi,Qorilgan xamir oshmaguncha, u cho‘g‘larni kovlamaydi.
5 Shohning bayram kunida beklar kasal bo‘ldi,Ular sharob dastidan g‘azabga mindi+,
Shoh mazaxchilarga qo‘lini cho‘zdi.
6 Ular go‘yo tandirga yaqinlashganday, yuraklari yonib turadi*.
Tuni bo‘yi novvoy uxlab yotadi,Tongda esa tandirda yana olov lovullaydi.
7 Ularning barchasi tandir kabi qizib,O‘z hakamlarini yutib yuboradi.
Hamma shohlari qulaydi+,Orasidan hech biri Meni chaqirmaydi+.
8 Efrayim xalqlar bilan aralashib ketdi+,
Efrayim ag‘darilmagan nonga o‘xshab qoldi.
9 Musofirlar uning kuchini sarfladi+, ammo u buni bilmadi.
Sochlari oqardi, lekin u buni payqamadi.
10 Isroilning mag‘rurligi o‘ziga qarshi guvohlik berdi+,Bunga qaramay, ular O‘z Tangrisi Yahovaga qaytmadi+,Uni izlamadi.
11 Efrayim aqlsiz kaptar kabidir+.
U Misrga yolvordi+, Ossuriyaga+ bordi.
12 Qaerga bormasin, ustiga to‘rimni tashlayman.
Ko‘kdagi qushlarday ularni yerga tushiraman.
Jamoasiga berilgan ogohlantirishga ko‘ra jazolayman+.
13 Mendan qochib ketgani uchun ularning holiga voy!
Menga qarshi gunoh qilgani bois, xonavayron bo‘ladi.
Ularni xalos etishga tayyor edim, ammo ular Men haqimda yolg‘on gapirdi+.
14 Ular o‘z yotog‘ida dod-voy qilib yotsa-da,Chin yurakdan Mendan yordam so‘ramadi+.
Don bilan yangi sharobi mo‘l bo‘lsin deb badanini kesdi.Ular Menga qarshi bosh ko‘tardi.
15 Ularni tarbiyalab, qo‘llarini kuchli qilsam-da,Yomonlikni ko‘ngliga tugib, Menga qarshi chiqdi.
16 Ular yo‘nalishini o‘zgartirdi, biroq yuksakroq* tarafga emas.Ular ipi bo‘shab qolgan kamonday ishonchsiz bo‘lib qoldi+.
Haqoratli tili dastidan beklari qilichdan halok bo‘ladi.
Shu bois, ular Misr yurtida kulgiga qoladi»+.
Izohlar
^ Boshqa variant «fitnalari bilan yaqinlashganda yuraklari tandir kabidir».
^ Ya’ni yuksak topinish.
