Ho‘sheya 9:1-17
9 «Ey Isroil, sevinma!+Boshqa xalqlarday quvonma!
Zero, sen fohishalik dastidan Xudoyingdan og‘ib ketding+.
Har bir xirmonda fohishalik qilib topgan haqingni yaxshi ko‘rding+.
2 Xirmon bilan uzumsiqqich seni to‘ydirmaydi,Yangi sharob ham yetmay qoladi+.
3 Yahovaning yurtida ortiq yashamaysan+.Efrayim Misrga qaytadi,Ossuriyada harom narsani yeydi+.
4 Ular Yahovaga atab sharob nazrlarini to‘kmaydi+.Qurbonliklari Uni mamnun qilmaydi+.
Ular motam noniga o‘xshaydi.Uni yeganlarning bari o‘zini bulg‘aydi.
Zero, ularning noni faqat o‘zlari uchundir.U Yahovaning uyiga keltirilmaydi.
5 Yahovaga atalgan bayram kuni,Yig‘ilish kuni kelganda nima qilasizlar?
6 Ular vayronagarchilik dastidan qochib ketadi+.
Misr ularni yig‘ib oladi+, Memfis esa dafn etadi+.
Kumushdan yasalgan bebaho narsalarini qichitqi o‘tlar qoplaydi,Chodirlarida tikanli butalar o‘sib ketadi.
7 Qasos kunlari+,Intiqom kunlari keladi,Isroil buni bilib qo‘ysin!
Ularning payg‘ambari ahmoq bo‘ladi, vahiy oladigan odami aqldan ozadi.Gunohga botganing tufayli, senga qarshi adovat ko‘pdir».
8 Efrayimning qo‘riqchisi+ Tangrim bilan edi+.
Endi bo‘lsa, payg‘ambarlarining+ yo‘llari qush tutuvchining tuzog‘i kabidir.Xudosining uyi adovatga to‘la.
9 Isroilliklar Givo kunlarida bo‘lganiday halokatli ishlarga botib ketdi+.
Xudo ularning qilmishlarini yodda tutib, gunohlari uchun jazolaydi+.
10 «Men Isroilni topganimda, u sahrodagi tok kabi edi+.
Ota-bobolaringni ko‘rganimda, ular anjir daraxtining ilk hosiliday edi.
Lekin ular Piyordagi Baal yoniga bordi+.O‘zlarini bu razil xudoga bag‘ishladi+.Ular ham yaxshi ko‘rgan butlari singari jirkanch bo‘ldi.
11 Efrayimning shon-sharafi qushday uchib ketdi.Unda na homilador, na bola tuqqan bor+.
12 Ular farzand katta qilsa ham,Bitta qoldirmay tortib olaman+.Ha, ulardan yuz o‘girganimda holiga voy bo‘ladi!+
13 Yaylovga ekilgan Efrayim Men uchun Tirga o‘xshardi+.Endi Efrayim o‘z o‘g‘illarini qirg‘inga duchor qilishga majbur».
14 Ey Yahova, ularga beradiganingni ber.Bola tashlaydigan bachadon, qurigan ko‘kraklar ber.
15 «Barcha yovuzliklarini Gilgalda qildi+, u yerda ulardan nafratlandim.
Qabih ishlari uchun ularni uyimdan quvaman+.
Bundan buyon ularga mehr bermayman+.Beklarining bari o‘jardir.
16 Efrayim yo‘q qilinadi+.
Ildizi qurib qoladi, hech qanday meva bermaydi.
Tug‘sa ham suyukli farzandini nobud qilaman».
17 Xudoyim ulardan voz kechadi,Chunki ular Unga quloq solmadi+,Ular xalqlar orasida qochqinlikda yuradi+.
