Amos 1:1-15
1 Taxuvalik+ cho‘ponlardan biri bo‘lgan Amosning* so‘zlari. Yahudoda Uzziyo+, Isroilda Yo‘sh+ o‘g‘li Yorubom+ hukmronlik qilgan davrda, zilziladan ikki yil oldin, unga Isroil to‘g‘risida vahiy keldi+.
2 U shunday dedi:
«Yahova Siondan turib o‘kiradi,Quddusdan baland ovozda sado chiqaradi.
Cho‘ponlarning yaylovlari qurib ketadi,Karmil tepasidagi o‘tlar qovjirab qoladi»+.
3 «Yahova shunday demoqda:“Damashq uch va hatto to‘rt marta isyon qilgani* uchun hukmimni o‘zgartirmayman,Zero ular Giladni temir xo‘ptirlar* bilan yanchdi+.
4 Xazayil+ xonadoni ustiga olov yuboraman.Bu olov Banhadadning mustahkam minoralarini yutib yuboradi+.
5 Damashqning surma zulfinlarini sindiraman+.Bikat-Aben aholisini-yuBayt-Eden hukmdorini yo‘q qilaman.Suriya xalqi Xirga surgun qilinadi”+,— deb aytmoqda Yahova.
6 Yahova shunday demoqda:“G‘azo+ uch va hatto to‘rt marta isyon qilgani uchun hukmimni o‘zgartirmayman,Zero ular butun xalqni surgun qilib+, Edomning qo‘liga topshirdi.
7 Shuning uchun G‘azo devorlariga olov yuboraman+.Bu olov uning mustahkam minoralarini yutib yuboradi.
8 Ashdod aholisini-yu+Ashqalon hukmdorini yo‘q qilaman+.Exronga qarshi qo‘l ko‘tarib+,Omon qolgan filistimliklarni qirib tashlayman”+,— demoqda Oliy Hukmdor Yahova.
9 Yahova shunday demoqda:“Tir+ uch va hatto to‘rt marta isyon qilgani uchun hukmimni o‘zgartirmayman,Zero ular butun xalqni surgun qilib, Edomning qo‘liga topshirdi,Ular birodarlik ahdini yodga olmadi+.
10 Tir devorlariga olov yuboraman.Bu olov uning mustahkam minoralarini yutib yuboradi”+.
11 Yahova shunday demoqda:“Edom+ uch va hatto to‘rt marta isyon qilgani uchun hukmimni o‘zgartirmayman,Zero u birodarini qilich bilan ta’qib qildi+,Rahm-shafqat ko‘rsatishni istamadi,Jahl ustida ularni ayovsiz tilka-pora qildi,Ularga nisbatan g‘azabidan hech tushmadi+.
12 Temonga olov yuboraman+.Bu olov Bozraxning mustahkam minoralarini yutib yuboradi”+.
13 Yahova shunday demoqda:“Ommonliklar+ uch va hatto to‘rt marta isyon qilgani uchun hukmimni o‘zgartirmayman,Zero ular hududini kengaytirish uchun, Giladdagi homilador ayollarning qornini yorgan+.
14 Jangga da’vat tovushi ilaKuchli shamol ko‘tarib, bo‘ron ilaRabba shahrining devorlariga o‘t qo‘yaman+.Bu olov uning mustahkam minoralarini yutib yuboradi.
15 Ommonliklar shohi beklari bilan birga surgun qilinadi”+,— demoqda Yahova.
