Amos 3:1-15
3 Ey Isroil xalqi, Yahovaning siz haqingizda, Misrdan olib chiqqan butun xalq to‘g‘risida aytgan so‘zlarini tinglang:
2 “Yer yuzidagi barcha xalqlar ichidan faqat sizlarni yaqindan bilaman+.
Mana shu sababli hamma gunohlaringiz uchun javobgarlikka tortaman+.
3 Agar ikki kishi kelishib olmasa, birga yo‘lga chiqa oladimi?
4 O‘rmonda o‘lja bo‘lmasa, sher o‘kiradimi?
Ovlaydigan hech narsa bo‘lmasa, yosh sher makonidan turib bo‘kiradimi?
5 Yerda tuzoq qo‘yilmagan bo‘lsa*, qush to‘rga tushadimi?
Tuzoqga hech narsa ilinmasa, sirtmoq tortiladimi?
6 Shaharda burg‘u chalinsa, odamlar titramaydimi?
Yahova yubormasa, shaharga falokat keladimi?
7 Xizmatkorlari bo‘lmish payg‘ambarlarga sirlarini ochmay turib,Oliy Hukmdor Yahova hech narsa qilmaydi+.
8 Sher bo‘kirganda+ kim qo‘rqmaydi?
Oliy Hukmdor Yahova aytgan bo‘lsa, qaysi payg‘ambar jim turadi?”+
9 Ashdodning mustahkam minoralaridan,Misrning mustahkam minoralaridan buni e’lon qiling:
“Samariya tog‘larida to‘planing+.U yerdagi tartibsizlig-uTovlamachilikka bir qarang+.
10 Chunki ular to‘g‘rilik nima ekanini bilmaydi.Mustahkam minoralarini zo‘ravonlig-u, vayronagarchilik bilan to‘ldirishyapti”,— demoqda Yahova.
11 Shuning uchun Oliy Hukmdor Yahova bunday deb aytmoqda:“Dushman yurtni o‘rab oladi+,U seni kuchdan qoldiradi,Mustahkam minoralaringni talon-toroj qiladi”+.
12 Yahova shunday demoqda:“Cho‘pon sherning og‘zidan qo‘yning ikki oyog‘i yoki qulog‘ining bir parchasini tortib olganiday,Samariyada bezatilgan to‘shaklarda, eng yaxshi o‘rindiqlarda o‘tirganIsroil xalqidan ozchilik omon qoladi”+.
13 Qo‘shinlar Sarvari, Oliy Hukmdor Yahova shunday deb e’lon qilmoqda: “Eshiting, Yoqub xonadonini ogohlantiring*.
14 O‘sha kuni Men Isroil xalqini barcha isyonlari* uchun javobgarlikka tortaman+,Baytildagi qurbongohlarni ham buzib tashlayman+.Barcha qurbongohlarning shoxlarini kesib tashlayman va ular yerga tushib yotadi+.
15 Qishki saroy bilan birga yozgi saroyni buzib tashlayman”.
“Fil suyagidan yasalgan uylar yo‘q bo‘lib ketadi+,Hashamatli* imoratlar vayron bo‘ladi”+,— demoqda Yahova.
Izohlar
^ Boshqa variant «Tuzoqga xo‘rak qo‘yilmagan bo‘lsa».
^ Yoki «Yoqub xonadoniga qarshi guvohlik bering».
^ Yoki «jinoyatlari».
^ Boshqa variant «Ko‘plab».
