Amos 4:1-13
4 Ey, Samariya tog‘idagi Bashan sigirlari+,Mana bu so‘zlarni tinglang,Sizlar bechoralarni aldab+, kambag‘allarni ezasiz,Erlaringizga esa: “Ichkilik olib kel!” — deysiz.
2 Oliy Hukmdor Yahova muqaddasligi haqqi ont ichib:“Shunday kun kelyaptiki, dushmanlar sizlarni qassobning ilmog‘iga,Qolganlaringizni esa qarmoqga ilib qo‘yadi.
3 Qarshingizdagi devor teshigidan qochib ketasizlar.Sizlarni Xarmonga uloqtirishadi”,— demoqda Yahova.
4 “Baytilga borib gunoh qiling+,Gilgalga boring va yana ko‘proq gunoh qiling!+
Qurbonliklaringizni+ ertalab,Ushrlaringizni*+ uchinchi kun olib boring.
5 Xamirturushli nonni shukrona qurbonligi sifatida kuydiring+.Ixtiyoriy nazringiz haqida jar soling!
Ey Isroil xalqi, siz shunday qilishni xush ko‘rasiz-ku!” — demoqda Oliy Hukmdor Yahova.
6 “Men esa jamiki shaharlaringiz aholisini och qoldirib,Uylaringizda nonga zor qildim+.Biroq Menga qaytmadingiz”+,— demoqda Yahova.
7 “O‘rim-yig‘imdan uch oy oldin sizlarga yomg‘ir bermay qo‘ydim+.Bir shaharga yomg‘ir yog‘dirib, boshqasiga yog‘dirmadim.
Yerning bir qismiga yomg‘ir yog‘sa,Boshqasi yomg‘ir yo‘qligidan qurib qoldi.
8 Ikki yoki uchta shahar aholisi gandiraklab suv ichgani boshqa shaharga bordi+,Ammo chanqog‘ini qondira olmadi.Shunda ham Menga qaytmadingiz”+,— demoqda Yahova.
9 “Men sizlarni garmselga va zang kasaliga giriftor qildim+.
Bog‘lar-u uzumzorlaringizni ko‘paytirdingiz,Biroq anjir va zaytun daraxtlaringizni chigirtkalar yeb bitirdi+.Shunda ham Menga qaytmadingiz”+,— demoqda Yahova.
10 “Misrda bo‘lganidek, sizlarning orangizga o‘lat yubordim+.
Yigitlaringizni qilichdan o‘tkazib+, otlaringizni tortib oldim+.
Qarorgohlaringizdan jasadlarning qo‘lansa hidi kelib turdi+.Shunda ham Menga qaytmadingiz”,— demoqda Yahova.
11 “Sado‘m va G‘amo‘rani yo‘q qilganim kabi+,Yurtingizni ham yo‘q qildim.
Sizlar olovdan chiqarib olingan o‘tinga o‘xshab qoldingiz.Shunda ham Menga qaytmadingiz”+,— demoqda Yahova.
12 Shuning uchun, ey Isroil xalqi, sizlarni yana jazolayman.
Sizlarni jazolar ekanman,Ey Isroil xalqi, Xudoyingiz bilan uchrashishga tayyor turing.
13 U tog‘larni vujudga keltirib+, shamolni paydo qilgan+ Zotdir.U fikrlarini insonga oshkor etadi,Tongni zulmatga aylantiradi+,Yerning cho‘qqilari uzra yuradi+.Uning ismi — Qo‘shinlar Sarvari Tangri Yahova.
Izohlar
^ Yoki «O‘ndan bir qismni».
