Amos 7:1-17
7 Oliy Hukmdor Yahova vahiyda menga mana buni ko‘rsatdi: kechki ekin unib chiqa boshlaganda*, U chigirtka galasini yubordi. Bu, shohning yaylovlaridan pichan o‘rib olinganidan keyin ekilgan ekin edi.
2 Chigirtka galasi yurtdagi o‘simliklarni yeb bitirgandan so‘ng, men: “Ey, Oliy Hukmdor Yahova, o‘tinaman kechir!+ Yoqub qanday omon qoladi? Axir u nimjon-ku!”+ — deb aytdim.
3 Shunda Yahova fikridan qaytdi+. Yahova: “Bular sodir bo‘lmaydi”,— dedi.
4 Oliy Hukmdor Yahova vahiyda menga mana buni ko‘rsatdi: Oliy Hukmdor Yahova jazolash uchun olov yubordi. Bu olov chuqur ummonni va yurtning bir qismini yutib yubordi.
5 Keyin men: “Ey, Oliy Hukmdor Yahova, o‘tinaman bunga yo‘l qo‘yma+. Yoqub qanday omon qoladi? Axir u nimjon-ku!”+ — deb aytdim.
6 Shunda Yahova fikridan qaytdi+. “Bu ham sodir bo‘lmaydi”,— dedi Oliy Hukmdor Yahova.
7 U vahiyda menga mana buni ko‘rsatdi: Yahova shoqul* yordamida qurilgan devor ustida turardi va qo‘lida shoqul bor edi.
8 Yahova mendan: “Amos, nimani ko‘ryapsan?” — deb so‘radi. Men: “Shoqulni”,— dedim. So‘ng Yahova shunday dedi: “Men xalqim Isroilni shoqul bilan tekshiraman. Endi ularni avf etmayman+.
9 Is’hoqning+ tepaliklari kimsasiz qoladi, Isroilning muqaddas maskanlari vayron bo‘ladi+. Men Yorubom xonadoniga qarshi qilich bilan kelaman”+.
10 Baytil+ ruhoniysi Emoziyo Isroil shohi Yorubomga+ quyidagicha xabar yubordi: “Amos Isroilda sizga qarshi fitna uyushtiryapti+. Xalq uning so‘zlarini ko‘tara olmaydi+.
11 Amos: “Yorubom qilichdan o‘ladi, Isroil xalqi esa o‘z yurtidan albatta surgun qilinadi”+,— deyapti”.
12 Emoziyo Amosga bunday dedi: “Hoy, vahiylar aytib beruvchi, jo‘na, Yahudo yurtiga qoch, o‘sha yerda noningni topib, bashorat qilaver+.
13 Lekin Baytilda boshqa bashorat qilma+, bu yer shohning muqaddas maskani+ va shohlikning ibodatxonasidir”.
14 Amos Emoziyoga shunday javob berdi: “Men payg‘ambar ham, payg‘ambarning o‘g‘li ham emasdim. Men cho‘ponlik qilib+, shikamora-anjir daraxtlarini parvarishlardim*.
15 Biroq Yahova suruvni boqib yurganimda meni chaqirib oldi. Yahova menga: “Bor, xalqim Isroilga bashorat qil”+,— dedi.
16 Mana endi Yahovaning so‘zlarini tingla! Sen menga: “Isroilga qarshi bashorat qilma+, Is’hoq xonadoniga qarshi va’z qilma”+,— deyapsan.
17 Shuning uchun Yahova quyidagilarni aytmoqda: “Xotining shaharda fohishalik qiladi, o‘g‘il-qizlaring qilichdan halok bo‘ladi. Yeringni o‘lchov ipi bilan bo‘lib olishadi, o‘zing esa begona yurtda o‘lib ketasan. Isroil xalqi o‘z yurtidan albatta surgun qilinadi”+.
Izohlar
^ Ya’ni yanvar va fevral oylarida.
^ Tik (vertikal) holatni aniqlash uchun ishlatiladigan, bir uchiga tosh, metall yoki kesak bog‘langan ipdan iborat asbob.
^ Yoki «shikamora-anjirlarini tilib yurardim».
