Amos 8:1-14
8 Oliy Hukmdor Yahova vahiyda menga mana buni ko‘rsatdi: yozgi mevalar solingan bir savat turgan edi.
2 Shunda U mendan: “Amos, nimani ko‘ryapsan?” — deb so‘radi. Men javoban: “Yozgi mevalar solingan savatni”,— dedim. Yahova esa menga: “Xalqim Isroilning kuni bitdi. Endi ularni kechirmayman”+,— deb aytdi.
3 Oliy Hukmdor Yahova shunday demoqda: “O‘sha kuni ma’badda* aytiladigan qo‘shiqlar yig‘iga aylanadi+. Har yerda jasadlar sochilib yotadi+. Sukut saqlansin!”
4 Tinglang, hoy, kambag‘alni oyog‘osti qilayotganlar,Yurtdagi kamtar* kishilarni yo‘q qilayotganlar+.
5 Sizlar bunday deysiz: “Qaniydi yangi oy shodiyonasi tugasa-yu+, g‘allamizni sotsak,Shabbat tezroq o‘tsa-yu+, donimizni bozorga olib borsak.
Efa* idishlarini kichraytirardik,Shekel* og‘irligini oshirib,Tarozidan urib aldardik+.
6 Muhtojni kumush,Kambag‘alni bir juft sandal evaziga sotib olardik+,Donning chiqitini ham pullardik”.
7 Yoqubning faxri Yahova+ O‘zi haqqi qasam ichmoqda:“Ularning qilmishlarini aslo unutmayman+.
8 Shu bois yurt* larzaga keladi,Unda yashovchi har bir kishi motam tutadi+.
Butun yurt Nil kabi ko‘tariladi,Misrdagi Nil daryosiday toshib qayta bosiladi”+.
9 Oliy Hukmdor Yahova shunday demoqda:“Shunday qilamanki, o‘sha kuni quyosh peshinda botadi,Kuppa-kunduzi yurtni zulmat qoplaydi+.
10 Bayramlaringizni azaga+,Qo‘shiqlaringizni motam qo‘shig‘iga aylantiraman.
Hammaning beliga jul o‘rab, boshini kal qilaman.O‘shanda yolg‘iz o‘g‘li uchun aza tutgan odamday qayg‘uga botasizlar.Bu kunning yakuni naqadar achchiq bo‘ladi”.
11 Oliy Hukmdor Yahova bunday demoqda: “Shunday kun kelyaptiki,Yurtga ocharchilik yuboraman.Odamlar yeyish uchun nonga yoki ichish uchun suvga emas,Balki Yahovaning so‘zlarini tinglashga zor bo‘ladi+.
12 Ular u dengizdan bu dengizga,Shimoldan sharqqacha kezib yuradi.
Yahovaning kalomini qidirib sarson bo‘ladi, ammo topa olmaydi.
13 O‘sha kuni go‘zal qizlar-uYigitlar tashnalikdan hushidan ketishadi.
14 Ular Samariyaning butlari+ haqqi qasam ichib:“Ey Dan+, xudoying tirikligi haqqi!”
Hamda: “Bershevaga olib boruvchi yo‘l+ haqqi!” — deyishadi.
Ular qulab, aslo o‘rnidan turishmaydi”+.