Ayub 12:1-25
12 So‘ng Ayub javoban dedi:
2 «Sizlar chindan ham donishmand ekansizlar,Sizlar o‘lsangiz, donolik ham sizlar bilan birga o‘ladi!
3 Lekin men ham aql-idrokka egaman.
Sizlardan hech kam joyim yo‘q.
Bu aytganlaringizni kim bilmaydi, deysizlar?
4 Xudoga yolvorib, Undan javob kutganim bois+,Do‘stlarim orasida masxara bo‘ldim+.
Ha, odil va benuqson kishi kulgiga qoldi.
5 Beg‘am kishi baxtsizlikka uchraganlarga nafrat bilan qaraydi.Oyog‘i qoqilib ketganlargina bunga duchor bo‘ladi, deb o‘ylaydi.
6 Qaroqchilarning chodirida tinchlik hukm suradi+,Allohning jahlini chiqaradiganlar bexavotir yashaydi+,Qo‘llarida xudolarini ko‘tarib yuradiganlar esa xavf-xatardan xoli umr kechiradi.
7 Biroq hayvonlardan so‘ra, ular senga o‘rgatadi,Samodagi qushlardan so‘rab ko‘r, ular senga aytib beradi.
8 Yerga nazar sol*, u senga ta’lim beradi,Dengizdagi baliqlar ham buni senga e’lon qiladi.
9 Bular Yahovaning qo‘li bilan yaratilganini,Ulardan qaysi biri bilmaydi?
10 Jamiki tirik jonning hamdaHar bir insonning hayot nafasi* Uning qo‘lidadir+.
11 Til yegulikning ta’mini sezgandek,Quloq ham so‘zlarni farqlay olmaydimi?+
12 Hikmat yoshi ulug‘larda+,Aql-idrok esa uzoq umr kechirganlarda emasmi?
13 Donolik bilan kuch-qudrat+,Nasihat bilan aql-idrok Xudodadir+.
14 U biror narsani vayron qilsa, uni qayta tiklab bo‘lmaydi+,U yopgan narsani, hech kim ocha olmaydi.
15 Suvlarni to‘xtatib qo‘ysa, barcha narsa qurib qoladi+,Qo‘yib yuborganda esa, yer yuzini suv bosib ketadi+.
16 Qudrat bilan donolik Undadir+,Adashgan ham, adashtirgan ham Uning qo‘lidadir.
17 Maslahatchilarni U yalangoyoq qoldiradi,Hakamlarni esa ahmoq qiladi+.
18 Shohlar solgan kishanlarni yechib tashlaydi+,Bellarini arqon bilan bog‘laydi.
19 Ruhoniylarni yalangoyoq yurg‘izadi+,Hokimiyatga mustahkam o‘rnashganlarni esa qulatadi+.
20 Ishonchli maslahatchilarni tildan qoldiradi,Keksalarni* aqldan ozdiradi.
21 Asilzodalar ustiga nafrat yog‘diradi+,Kuchlilarni esa zaif qiladi.
22 Qorong‘ilikdagi yashirin narsalarni oshkor etadi+,Tim qorong‘ilikka nur taratadi.
23 Qirib tashlash uchun xalqlarni yuksaltiradi,Surgun qilish uchun xalqlarni ko‘paytiradi.
24 Xalq yo‘lboshchilarini aql-idrokdan mahrum etadi.Ularni so‘qmoqsiz dashtlarda sargardon qiladi+.
25 Ular yorug‘lik yo‘q bo‘lgan zimistonda paypaslab yuradi+,Xudo ularni mast kishiday gandiraklatib qo‘yadi+.