Ayub 18:1-21
18 Shuvaxiy Bildad+ javoban shunday dedi:
2 «Bu gaplarning oxiri bormi o‘zi?
Avval masalani anglab ol, keyin gaplashamiz.
3 Nega bizni hayvonday ko‘rib+,Ahmoqga* chiqaryapsan?
4 Jahl ustida o‘zingni tilka-pora qilsang-da,Seni deb yer bo‘m-bo‘sh qolarmidi?Yoki qoya o‘z joyidan qo‘zg‘alarmidi?
5 Yovuzning chirog‘i o‘chishi,O‘ti alanga olmasligi shubhasiz+.
6 Chodiridagi yorug‘lik zulmatga aylanadi,Ustidagi moychirog‘i esa o‘chib qoladi.
7 Uning shaxdam qadamlari qisqaradi,O‘z maslahati o‘zini qulatadi+.
8 Uni o‘z oyoqlari to‘rga ilintiradi,Aylanib kelib tuzoqga tushadi.
9 Qopqon tovonidan qisib qoladi,Tuzoq uni tutib oladi+.
10 U uchun yerda sirtmoq yashirilgan,Yo‘liga esa qopqon qo‘yilgan.
11 Har tarafidan dahshat qamrab olib+,Izma-iz uni ta’qib qiladi.
12 U madorsizlanib qoladi,Kulfat+ uni gandiraklatib qo‘yadi.
13 Bedavo dard terisini yeb,Qo‘l-oyoqlarini g‘ajib tashlaydi.
14 U bexatar chodiridan sug‘urib olinib+,Vahima podshohi* oldiga olib boriladi.
15 Chodirida begonalar yashaydi,Uyiga oltingugurt sepib tashlanadi+.
16 Daraxt singari ildizlari qurib,Novdalari qovjirab qoladi.
17 U haqdagi xotira yer yuzidan o‘chib ketadi,Ismi ham ko‘chada notanish bo‘ladi.
18 U yorug‘likdan zulmatga quvib solinadi,Unumdor yerdan haydab yuboriladi.
19 Xalqi orasida na zurriyoti, na avlodlari qoladi,Yashagan joyida* hech kim omon qolmaydi.
20 Uning halokat kunida, g‘arbdagi odamlar sarosimaga tushadi,Sharqdagilarni esa dahshat bosadi.
21 Zulmkorning chodiri shunday ahvolda qoladi,Xudobexabarning makoni shu ko‘yga tushadi».
