Ayub 24:1-25
24 Nega Qodir Xudo hukm kunini belgilab qo‘ymadi?+
Uni biladiganlar nega bu kunni ko‘rmaydi?
2 Shunday odamlar borki, chegara belgilarini suradi+,Ular birovlarning qo‘ylarini o‘g‘irlab, o‘z suruvlariga qo‘shib qo‘yadi.
3 Yetim bolalarning eshagini haydab ketadi,Bevaga bergan qarz evaziga uning buqasini garovga oladi+.
4 Ular kambag‘alni yo‘ldan itarib yuboradi,Nochor kishilar ulardan yashirinib yurishga majbur bo‘ladi+.
5 Qashshoq sahroda yovvoyi eshaklar singari yemish izlaydi+,Bolalari uchun dashtdan yegulik qidiradi.
6 Ular birovning dalasida hosil* yig‘adi,Yovuzning uzumzorida qolgan-qutganlarni teradi.
7 Ular kiyimsiz, yalang‘och holda tunni o‘tkazadi+,Sovuqda yopinish uchun hech narsalari bo‘lmaydi.
8 Tog‘da quygan jala dastidan ular ivib ketadi,Boshpanasi bo‘lmagani uchun qoyalarga yopishib oladi.
9 Yovuzlar yetim bolalarni onasining bag‘ridan yulib oladi+,Kambag‘alga bergan qarz evaziga uning kiyimlarini olib ketadi+.
10 Ularni kiyimsiz, yalang‘och holda yurishga,Ochiqqan holatda bug‘doy bog‘lamlarini ko‘tarishga majburlaydi.
11 Ular kunning issig‘ida qiyaliklarda — tosh devorlar orasida og‘ir ishlarni bajaradi*.Uzumsiqqichda uzum ezadi-yu, o‘zlari tashnalikdan azob tortadi+.
12 Shaharda o‘layotganlarning nolasi eshitiladi,Og‘ir jarohat olganlar yordam so‘rab yolvoradi+,Ammo Xudo buni noto‘g‘ri deb hisoblamaydi*.
13 Yovuzlar nurdan nafratlanganlar orasida bo‘ladi+,Nurning yo‘llarini tan olmaydi,Uning so‘qmoqlaridan yurmaydi.
14 Qotil tongda turadi,U nochor va kambag‘alni o‘ldiradi+,Tunda esa o‘g‘rilik qiladi.
15 Zinokorning ko‘zlari oqshomni kutadi+.U: «Meni hech kim ko‘rmasin!»+ — deya,
Yuzini yopib oladi.
16 O‘g‘rilar qorong‘ida uylarning devorini teshib kiradi.Kunduzi ichkarida bekinib o‘tiradi.
Ular nurdan qochadi+.
17 Ertalab ham ular uchun tim qorong‘ilik kabidir,Zulmat dahshatlarini ular yaxshi biladi.
18 Lekin suvlar ularni bir zumda oqizib ketadi.
Yurtdagi ulushlari qarg‘ishga uchraydi+,
Uzumzorlariga ular qaytib kelmaydi.
19 Jazirama va qurg‘oqchilik erigan qorni yo‘q qilganiday,Mozor* gunohkorlarni o‘z domiga tortib oladi!+
20 Gunohkorni onasi unutadi, qurtlar uni maza qilib yeydi.
U qayta esga olinmaydi+.
Adolatsiz kishilar daraxt kabi sindirib tashlanadi.
21 Gunohkor kishi bepusht ayolni ovlaydi,Bevaga qo‘pol munosabatda bo‘ladi.
22 Xudo O‘z kuchini ishga solib, qudratli kishilarni yo‘q qiladi,Ular o‘rinlaridan tursa-da, umrlari davom etishiga ko‘zlari yetmaydi.
23 Ular o‘ziga ishonib, tinchlikda yashashiga Tangri yo‘l qo‘yadi+,Ammo barcha ishlarini U ko‘rib turadi+.
24 Ular qisqa muddatga yuksaladi-da, so‘ng g‘oyib bo‘ladi+.
Ular pasaytirilib+, boshqalar qatori yulib tashlanadi,Don boshoqlari kabi o‘rib olinadi.
25 Men yolg‘onchi ekanimni kim isbotlay oladi?So‘zlarimni kim rad etadi?»
Izohlar
^ Boshqa variant «yem-xashak».
^ Boshqa variant «Ular zaytun moyini siqib oladi».
^ Boshqa variant «hech kimni yomon ko‘rib ayblamaydi».
