Ayub 33:1-33
33 Ey Ayub, endi mening so‘zlarimga quloq solib,Aytadigan hamma gaplarimni tinglang.
2 Iltimos, menga quloq tuting! Men gapiraman.Tilim gapirishga shaylandi.
3 So‘zlarim qalbim to‘g‘ri ekanini e’lon etadi+,Lablarim bilganlarimni sof niyatda aytib beradi.
4 Meni Xudoning muqaddas ruhi bunyod etdi+,Qodir Tangrining nafasi menga hayot baxsh etdi+.
5 Qo‘lingizdan kelsa, menga javob qaytaring.Dalillaringizni keltirib, o‘zingizni himoyalashga tayyor turing.
6 Mana, men ham Allohning nazarida siz kabi odamman.Men ham loydan yaratilganman+.
7 Shu bois, mendan qo‘rqishingizga hojat yo‘q,Sizga bosim ham o‘tkazmoqchi emasman.
8 Mana, men so‘zlaringizni eshitdim,Ha, aytganlaringizni tinglab o‘tirdim.
9 Siz shunday dedingiz: “Men pokman, begunohman+,Top-tozaman, menda hech qanday ayb yo‘q+.
10 Ammo Xudo menga qarshi chiqishga bahona topdi,Meni O‘z dushmaniday ko‘rdi+.
11 U meni jazolayapti*,Barcha yo‘llarimni sinchiklab kuzatib turibdi”+.
12 Lekin siz nohaq gapiryapsiz, shu bois men sizga javob beraman:
Alloh o‘tkinchi insondan ulug‘roqdir+.
13 Shunday ekan, nega Unga qarshi shikoyat qilyapsiz?+
So‘zlaringizga javob qaytarmagani uchunmi?+
14 Xudo qayta-qayta gapiryapti,Ammo Unga hech kim quloq solmayapti.
15 Odamlar qattiq uyquga ketib,To‘shaklarida uxlab yotganda,U tush orqali, tungi ro‘yo orqali gapiryapti+.
16 So‘ng Alloh ularning quloqlarini ochib+,O‘z nasihatlarini muhrlab qo‘yyapti.
17 Shu tariqa insonni yomon yo‘ldan qaytarib+,Uni mag‘rurlikdan himoyalayapti+.
18 Xudo uning jonini* go‘rdan* qutqaradi+,Hayotini qilichdan saqlaydi.
19 Odam to‘shagida azob chekishi,Suyaklari zirqirab og‘rishi orqali ham tuzatiladi.
20 Natijada butun vujudi nondan hazar qilib,Eng tansiq taomni ham rad etadi+.
21 Eti qurib, qaqshab,Ilgari ko‘rinmagan suyaklari chiqib qoladi.
22 Uning joni go‘r yoqasiga,Hayoti o‘lim keltiruvchilar oldiga kelib qoladi.
23 Agar odamga nima to‘g‘ri ekanini aytadigan,Minglar ichidan bitta himoyachi,Bir xabarchi* topilsa,
24 Shunda Xudo bu insonga iltifot ko‘rsatib:“Uni go‘rga tushishdan saqlab qol!+
Men to‘lov topdim!+
25 Uning tanasi bolaligidan ham yoshroq* bo‘lsin+,Yoshlik chog‘idagi quvvati yana o‘ziga qaytsin”+,— deb aytadi.
26 U Allohga yolvorganida+, ibodati ijobat bo‘ladi,Uning yuzini ko‘rib, quvonchdan hayqiradi.Xudo o‘tkinchi inson uchun O‘z adolatini qayta o‘rnatadi.
27 Shunda u boshqalarga bunday deya jar soladi:“Men gunoh qilib+, adolatni buzgan edim,Lekin bunga loyiq jazoni olmadim*.
28 U to‘lov to‘lab, jonimni go‘rga tushishdan saqlab qoldi+,Endi men yorug‘likni ko‘raman”.
29 Ha, bularning barini qilgan Xudodir.U buni inson uchun ikki, hatto uch marta qildi.
30 Hayot unga o‘z nurini sochishi uchun,Uni go‘rdan qaytarib oldi+.
31 Ey Ayub, diqqat bilan meni eshiting!
Jim turing, men gapimni davom ettirayin.
32 Aytadigan gapingiz bo‘lsa, javob bering.
Gapiring, men odilligingizni isbotlamoqchiman.
33 Bordi-yu, gapingiz bo‘lmasa, unda meni tinglang.Sukut saqlang, men sizga donolikni o‘rgataman».
Izohlar
^ So‘zma-so‘z «Oyoqlarimni kundalab qo‘yyapti». Lug‘atdagi «kunda» so‘ziga q.
^ Yoki «hayotini».
^ Yoki «chuqurlikdan».
^ Yoki «farishta».
^ Yoki «sog‘lomroq».
^ Boshqa variant «Bu menga foyda keltirmadi».
