Ayub 38:1-41
38 Keyin Yahova bo‘ron ichidan+ Ayubga shunday dedi:
2 «Bilimga ega bo‘lmay turib,Niyatimga soya solayotgan kim?+
3 Qani, erkakday belingni mahkam bog‘la,Men so‘rayman, sen javob berasan.
4 Aql-idrokliman deb o‘ylasang, aytgin-chi,
Yerga asos solganimda sen qayerda eding?+
5 Yerning o‘lchamini kim belgilaganini,Kim o‘lchov ipini ko‘ndalangiga tortganini bilasanmi?
6 Uning poydevori nimaning ustiga solinganidan,Burchakka qo‘yiladigan negiz toshini kim o‘rnatganidan xabaring bormi?+
7 Tong yulduzlari+ birgalikda quvonchdan hayqirganda,Tangrining jamiki o‘g‘illari*+ hayqirib olqish aytganda, sen qayerda eding?
8 Bachadonni yorib chiqqandek jo‘sh urgan dengizniEshiklar bilan to‘sib qo‘ygan kim?+
9 Bulutlarni unga kiyim qilib kiydirganimda,Uni tim qorong‘ilikka burkaganimda,
10 Uning chegaralarini belgilaganimda,Eshiklari-yu surma zulfinlarini o‘rnatganimda+,
11 Unga: “Shu yergacha kelasan, bundan u yog‘iga o‘tmaysan,Jo‘shqin to‘lqinlaring to‘xtaydigan joy shu!”+ — deganimda sen qayerda eding?
12 Qachondir tongga buyruq berganmisan?Tong shafag‘iga o‘rnini ko‘rsatganmisan?+
13 Yerning uchlaridan ushlab,Undan yovuzlarni silkitib tushirganmisan?+
14 Yer muhr ostidagi loyday o‘zgarib,Ko‘rinishi kiyim bezaklariday tus oladi.
15 Ammo yovuzlar nurdan mahrum etiladi,Yuqoriga ko‘tarilgan qo‘llari sindiriladi.
16 Dengiz tubidagi buloqlarni ko‘rganmisan?Chuqur suvlarni tadqiq qilganmisan?+
17 O‘lim darvozalarini+ topganmisan?Zulmat darvozalarini* ko‘rganmisan?+
18 Yerning qanchalik katta ekanini anglab yetganmisan?+
Bularni bilsang, qani, Menga aytib bergin-chi!
19 Yorug‘likning turar joyiga olib boradigan yo‘lni+,
Qorong‘ilik qayerda joylashganini bilasanmi?
20 Ularni o‘z joyiga olib borish uchun,Makoniga yetaklaydigan so‘qmoqlarni bilasanmi?
21 Sen allaqachon tug‘ilganing,Ko‘p yil yashaganing uchun bularni bilasanmi?
22 Qor saqlanadigan omborlarga kirganmisan?+Do‘l saqlanadigan omborlarni ko‘rganmisan?+
23 Men ularni musibat vaqti uchun,Jang-u jadallar bo‘ladigan kun uchun asrab qo‘yganman+.
24 Yorug‘lik* qaysi tomondan taraladi?Sharq shamoli yer yuzida qaysi tarafdan esadi?+
25 Kim suvlarga ariq o‘tkazib,Momaqaldiroqli bulut va bo‘ronning yo‘lini belgilagan?+
26 Kim inson bolasi yashamaydigan yerlarga,Odam zoti yo‘q sahroga yomg‘ir yog‘dirgan?+
27 Kimsasiz dashtlarni suvga to‘yintirib,O‘t-o‘lanlarni o‘stirgan kim?+
28 Yomg‘irning otasi bormi?+Shabnamning otasi kim?+
29 Muz kimning bachadonida hosil bo‘lgan?Osmondan tushadigan qirovni tuqqan kim?+
30 Qachon suv sathi tosh bilan qoplanganday bo‘lib,Chuqur suvlar yuzasi muzga aylanadi?+
31 Kima yulduzlar turkumining* arqonini bog‘lay olasanmi?Kesil yulduzlar turkumining*+ zanjirlarini yecha olasanmi?
32 Yulduzlar turkumini* o‘z mavsumida chiqarib,Ash yulduzlar turkumi* bilan o‘g‘illariga yetakchi bo‘la olasanmi?
33 Osmon qonunlarini bilasanmi?+Yerda ularning* hukmronligini o‘rnata olasanmi?
34 Ustingga jala quyishi uchun,Bulutlargacha ovozingni baland ko‘tara olasanmi?+
35 Chaqmoqni chaqtira olasanmi?
Ular: “Mana, biz shu yerdamiz!” — deb oldingga keladimi?
36 Kim bulutlarga* donolik bergan?+Kim samoviy hodisalarga* tushuncha ato etgan?+
37 Bulutlarni sanashga kim yetarlicha donolikka ega?Falakdagi suv ko‘zalarini kim ag‘darib tashlay oladi?+
38 O‘shanda tuproq balchiqga aylanadi,Kesaklar bir-biriga yopishadi.
39 Sherga yemish ovlab kelish qo‘lingdan keladimi?Yosh sherlarning qornini to‘ydira olasanmi?+
40 Ular inlarida yotganida,O‘z uyalarida o‘ljalarini poylab o‘tirganida, ularni boqa olasanmi?
41 Qarg‘a yemish topa olmay kezib yurganida,Palaponlari qag‘illab Xudoga yolvorganida,Unga yemish hozirlaydigan kim?+
Izohlar
^ Ibroniycha ushbu ibora Xudoning farishtalariga nisbatan qo‘llaniladi.
^ Yoki «O‘lim soyasini».
^ Boshqa variant «Chaqmoq».
^ Buzoq yulduz turkumidagi Pleyada yulduzlari bo‘lishi mumkin.
^ Ehtimol, Orion yulduz turkumi.
^ So‘zma-so‘z «Mazzarot». 4Shh 23:5- oyatida ko‘plikda qo‘llanilgan so‘z burj turkumlarini bildiradi.
^ Ehtimol, Katta Ayiq yulduz turkumi.
^ Boshqa variant «Uning».
^ Boshqa variant «odamga».
^ Boshqa variant «aqlga».
