Ayub 39:1-30
39 Tog‘ echkilarining tug‘adigan paytini bilasanmi?+
Bug‘u bolalayotganini hech kuzatganmisan?+
2 Ularning oy-kuni qachon to‘lishini hisoblay olasanmi?
Bolalaydigan paytini bilasanmi?
3 Ular tug‘ayotganda cho‘kkalab oladi,So‘ng to‘lg‘oq azobi nihoyasiga yetadi.
4 Bolalari dalada katta bo‘lib, kuchga to‘ladi.So‘ng onalarini tark etib, qaytib kelmaydi.
5 Yovvoyi eshakni* kim erkinlikka qo‘yib yuborgan?+Uning arqonlarini yechib yuborgan kim?
6 Men dashtlarni unga uy,Sho‘r yerlarni makon qilib berganman.
7 U shahardagi shovqin-suron ustidan kuladi.Mol haydovchining baqir-chaqirini eshitmaydi.
8 Yaylov izlab tepaliklarda izg‘ib yuradi,Har qanday o‘t-o‘lanni axtaradi.
9 Yovvoyi buqa senga bo‘yin egadimi?+
Tunni molxonangda o‘tkazadimi?
10 Yovvoyi buqani arqon bilan omochga bog‘lay olasanmi?U yeringni haydab beradimi*?
11 Sen uning kuchiga ishonib,Og‘ir ishingni unga qildirasanmi?
12 Hosilingni olib kelishni,Xirmoningga yig‘ib berishni unga topshirasanmi?
13 Tuyaqush qanotlarini shodon qoqadi,Lekin patlari-yu qanotlarini laylakniki bilan solishtirib bo‘ladimi?+
14 U tuxumlarini yerga tashlab ketadi,Ularni issiq qumda saqlaydi.
15 Biror kishi tuxumlarimni bosib yuboradi,Yoki yovvoyi hayvon ularni toptab tashlaydi, deb o‘ylamaydi.
16 O‘z bolalariga xuddi begonalarday shafqatsiz bo‘ladi+.Mehnati zoe ketishidan qo‘rqmaydi.
17 Xudo uni donolikdan mahrum etgan.Unga zig‘ircha ham aql-idrok ato etmagan.
18 Lekin qanot qoqib yuguradigan bo‘lsa,Ot bilan chavandozning ustidan kuladi.
19 Otga kuch-qudratni ato etgan senmisan?+
Uning bo‘ynini hilpiraydigan yol bilan qoplay olasanmi?
20 Uni chigirtka kabi sakraydigan qila olasanmi?
Uning pishqirishi dahshatga soladi+.
21 Vodiyda tuyoqlari bilan yer tepinib+,Bor kuchi bilan jangga kirib boradi+.
22 U qo‘rquvning ustidan kuladi, hech nimadan qo‘rqmaydi+.
Qilichni ko‘rib orqaga chekinmaydi.
23 Chavandozning o‘qdoni otga tegib taraqlaydi.Nayzalari yaltiraydi.
24 Burg‘u chalinganda joyida jim tura olmaydi*,Hovliqqancha oldinga otiladi.
25 Burg‘u chalinganda qattiq kishnaydi.
Jang hidini uzoqdan sezadi.Qo‘mondonlarning baqirishini-yu jangovar hayqiriqni eshitadi+.
26 Lochin sening aql-idroking tufayliQanotlarini yoyib janubga uchadimi?
27 Burgut sening buyrug‘ing bilan yuqoriga uchadimi?+Sening amring bilan o‘z inini baland joyga quradimi?+
28 U sening buyrug‘ing bilan tunni qoyada o‘tkazadimi?Qoyatoshda makon quradimi?
29 O‘sha yerdan turib u yemish qidiradi+.Ko‘zlarini olisga qaratadi.
30 Palaponlari qon ichadi.
Murda qayerda bo‘lsa, u o‘sha yerda bo‘ladi»+.