Ayub 40:1-24
40 Yahova gapirishda davom etib, Ayubga dedi:
2 «Inson Qodir Tangridan ayb izlab, U bilan da’volashishi kerakmi?+
Qani, Allohni qoralayotgan kishi javob bersin-chi?!»+
3 Ayub Yahovaga javoban dedi:
4 «Men hech narsaga arzimaydigan bir banda bo‘lsam+,
Senga nima ham deb javob bera olardim?
Qo‘lim bilan og‘zimni yopaman+.
5 Bir gapirdim, ikki gapirdim, endi esa javob qaytarmayman.Qo‘shimcha qiladigan hech qanday gapim yo‘q».
6 Shunda Yahova bo‘ron ichidan+ Ayubga quyidagicha dedi:
7 «Qani, erkakday belingni mahkam bog‘la,Men so‘rayman, sen javob berasan+.
8 Mening adolatimni shubha ostiga qo‘ymoqchimisan?
O‘zingni oqlash maqsadida Meni ayblamoqchimisan?+
9 Qo‘llaring Allohning qo‘llariday qudratlimi?+U kabi momaqaldiroqga o‘xshash ovozda gapira olasanmi?+
10 Ulug‘vorliging-u qudratingni bir ko‘rsat-chi!Obro‘ying-u buyukligingni namoyon qil-chi!
11 Otashin g‘azabingga erk berib,Kekkaygan kimsalarga nazar tashla va ularni pasaytir.
12 Manman kimsalarga qaragin-da, ularni tiyib qo‘y.Yovuzlarni turgan joyida bosib tashla.
13 Barchasini tuproqga yashirib,Ularni zulmatga bog‘lab qo‘y.
14 O‘ng qo‘ling seni qutqara olsa,Shunda Men ham senga tan beraman.
15 Seni yaratganimday, begemotni* ham Men yaratganman.
U buqa singari o‘t yeydi.
16 Uning kuchi belida,Quvvati qorin mushaklarida ekaniga bir qara!
17 Dumi kedr daraxtiday qattiq.Sonlaridagi paylar qo‘shib o‘rilgan.
18 Suyaklari mis quvurday,Oyoqlari esa temir tayoqday.
19 U Xudoning yaratganlari ichida birinchilar qatorida turadi.Faqat Yaratuvchisi qilichi bilan unga yaqinlasha oladi.
20 Yovvoyi hayvonlar o‘ynab yuradigan tog‘lar,Unga yemish o‘stiradi.
21 U tikanli butalar tagiga,Botqoqlikdagi qamishlar orasiga bekinadi.
22 Tikanli butalar soyasi bilan uni to‘sib turadi.
Vodiydagi terak daraxtlari uni o‘rab oladi.
23 Daryo suvlari to‘lib-toshib oqsa ham, u vahimaga tushmaydi.
Iordan+ suvlari unga urilsa ham, u parvo qilmaydi.
24 Hushyor turganida kim uni tuta oladi?Kim uning burnidan ilgak o‘tkaza oladi?
Izohlar
^ Ehtimol, gippopotam.
