Ayub 9:1-35
9 Ayub javob qaytarib dedi:
2 «Men shunday ekanini bilaman.
Ammo Xudo bilan da’volashgan o‘tkinchi odam qanday qilib haq bo‘lib chiqsin?+
3 Bordi-yu, kimdir U bilan bahslashmoqchi bo‘lsa*+,O‘sha kishi Uning mingta savolidan bittasiga ham javob bera olmaydi.
4 Uning qalbida donolik, qo‘lida esa qudrat bor+.
Kim Unga qarshi chiqib, omon qola oladi?+
5 U tog‘larni siljitadi, g‘azab ustida ularni ag‘darib tashlaydi,Odamlar bu haqda bilmay ham qoladi.
6 Yerni o‘z joyidan qo‘zg‘atadi,Uning ustunlari titrab ketadi+.
7 U quyoshga nur sochmaslikni buyuradi,Yulduzlarning shu’lasini muhrlab qo‘yadi+.
8 Osmonni O‘zi yoyib yuboradi+,Dengizning baland to‘lqinlari uzra yuradi+.
9 U Ash, Kesil, Kima yulduz turkumlarini*+,Osmonning janubidagi* yulduz turkumlarini yaratgan.
10 U aql bovar qilmaydigan, buyuk ishlar qiladi+,Ajoyib ishlarining sanog‘iga yetib bo‘lmaydi+.
11 Yonimdan o‘tib ketsa ham, men Uni ko‘ra olmayman,U oldimdan o‘tib ketsa ham, Uni payqay olmayman.
12 Agar biror narsani tortib olsa, kim Unga qarshi chiqa oladi?
Unga: “Nima qilyapsan?” — deyishga kim jur’at etadi?+
13 Xudo O‘z g‘azabini tiyib turmaydi+,Hatto Rahobning*+ yordamchilari ham Uning oyoqlariga yiqiladi.
14 Shunday ekan, Unga javob berganimda,U bilan bahslashganimda, so‘zlarimni tanlab gapirishim kerak emasmi?!
15 Hatto men haq bo‘lgan taqdirda ham, Unga javob berishga botinolmayman+.
Hakamimdan* menga rahm qilishini yolvorib so‘rayman, xolos.
16 Agar Uni chaqirsam, U menga javob beradimi?
Ovozimni eshitishiga ishonmayman.
17 U bo‘ron yuborib, meni yakson qiladi,Jarohatlarimni sababsiz ko‘paytiradi+.
18 U nafasimni rostlashga imkon bermaydi,Musibatlarim ustiga musibat yuboradi.
19 Kuch masalasiga kelsak, U hammadan kuchlidir+.
Bordi-yu, bu adolat masalasi bo‘lsa, Tangri: “Meni javobgarlikka tortadigan kishi bormi?” — deydi.
20 Agar men haq bo‘lib chiqsam ham, o‘z og‘zim meni hukm qiladi,Hatto aybdor bo‘lmasam ham, U meni aybdor deb e’lon qiladi.
21 Hatto benuqsonlikni saqlab qolsam ham, o‘zimga ishonmayman,Hayotimdan voz kechaman.
22 Hech qanday farqi yo‘q ekan. Mana shu bois:“U yovuzni ham, aybsizni ham birdek yo‘q qiladi”,— deb aytdim.
23 Agar kutilmaganda to‘fon qirg‘in keltirsa,U begunoh kishining nochor ahvoliga kuladi.
24 U dunyoni yovuzlarning qo‘liga topshirgan+,Hakamlarning ko‘zini yopib qo‘ygan.
Undan bo‘lak kim ham bunday qila olardi?
25 Kunlarim chopardan ham tezroq yugurib ketyapti+,Hech qanday yaxshilik ko‘rmay o‘tib ketyapti.
26 Kunlarim qamish qayiqlarday suzib ketyapti,O‘ljasiga shiddat bilan tashlangan burgutlardek o‘tib ketyapti.
27 Bordi-yu, men: “Arzimni unutaman,Chehram ochilib, xursand bo‘laman”,— desam,
28 Chekayotgan azoblarimdan hanuz qo‘rqaman+,Bilaman, Sen meni aybdor deb e’lon qilasan.
29 Aybdor deb topiladigan bo‘lsam,
Behudaga kurashib nima qilaman?+
30 Bordi-yu, eriyotgan qor bilan yuvinsam-da,Qo‘llarimni sovun bilan yuvsam-da+,
31 Sen meni balchiqli o‘raga botirib olarding.Hatto egnimdagi kiyimlarim ham mendan jirkanardi.
32 U menga o‘xshagan odam emaski, men Unga javob bersam,U bilan birga mahkamaga borsam+.
33 Ikkimizga hukm chiqaradigan,Bizga hakamlik qiladigan hech kim yo‘q.
34 Agar U meni kaltaklashni to‘xtatsa,Vahimaga solib, qo‘rqitishni bas qilsa+,
35 Shunda qo‘rqmasdan Unga gapiraman,Chunki qo‘rqib gapirish menga xos emas.
Izohlar
^ Yoki «Uni mahkamaga olib borsa».
^ Katta Ayiq, Orion yulduz turkumlari va Buzoq yulduz turkumidagi Pleyada yulduzlari bo‘lishi mumkin.
^ So‘zma-so‘z «ichkari xonalaridagi».
^ Ulkan dengiz maxluqi bo‘lishi mumkin.
^ Boshqa variant «Mahkamadagi raqibimdan».
