Chiqish 40:1-38
40 Keyin Yahova Musoga shunday dedi:
2 «Birinchi oyning birinchi kunida muqaddas chodirni, ya’ni uchrashuv chodirini o‘rnat+.
3 Chodirning ichiga shohidlik sandig‘ini+ joylashtirib, sandiqni parda bilan to‘sib qo‘y+.
4 Stolni ichkariga olib kirib+, unga tegishli narsalarni tartib bilan qo‘y. Chiroqpoyani+ ham olib kirib, moychiroqlarini yoq+.
5 So‘ng tutatqi tutatilishi uchun shohidlik sandig‘i oldiga oltin qurbongohni joylashtir+ va muqaddas chodirning kiraverishiga parda osib qo‘y+.
6 Muqaddas chodir, ya’ni uchrashuv chodiri kiraverishiga kuydiriladigan qurbonliklar keltiriladigan qurbongohni qo‘y+.
7 Uchrashuv chodiri bilan qurbongoh o‘rtasiga tosni qo‘yib, uning ichiga suv quy+.
8 Keyin chodir atrofiga hovli barpo etib+, hovliga kiraverishda parda osib qo‘y+.
9 So‘ng moylash uchun ishlatiladigan moyni olib+, muqaddas chodirni, undagi barcha narsalarni moyla+ va chodir bilan uning hamma anjomlarini muqaddas qil, shunda chodir muqaddas bo‘ladi.
10 Kuydiriladigan qurbonliklar keltiriladigan qurbongohni, uning barcha anjomlarini moyla va qurbongohni muqaddas qil. Shunda u eng muqaddas qurbongoh bo‘ladi+.
11 Tosni hamda uning tagligini moyla va uni muqaddas qil.
12 Keyin Horun bilan o‘g‘illarini uchrashuv chodirining kiraverishiga olib kelib, ularni yuvintir*+.
13 Horunga muqaddas kiyimlarni kiydir+, uni moylab+ muqaddas qil va u Menga ruhoniy bo‘lib xizmat qiladi.
14 Bundan so‘ng, uning o‘g‘illarini olib kelib, ularga uzun kiyimlarni kiydir+.
15 Otasini moylaganingdek, ularni ham moyla+ va ular menga ruhoniy bo‘lib xizmat qilishadi. Chunki ularning moylanishi ular avloddan avlodga, asrlar osha ruhoniy bo‘lib xizmat qilishlarini ko‘rsatadi»+.
16 Muso hammasini Yahova buyurganidek bajardi+. U aynan aytilganidek qildi.
17 Ikkinchi yilning birinchi oyida, oyning birinchi kunida muqaddas chodir o‘rnatildi+.
18 Muso muqaddas chodirni o‘rnatayotganda, o‘yig‘i bor tagliklarni+, romlarni+, uning xodalarini+ hamda ustunlarini o‘rnatdi.
19 Yahovaning amriga binoan, Muso muqaddas chodir ustiga yopinchiqni+, uning ustidan esa qoplamalarni+ to‘shadi.
20 Bundan keyin, u shohidlik lavhalarini+ olib, ularni sandiq+ ichiga solib qo‘ydi, so‘ng sandiq xodalarini kirgizib+, uning qopqog‘ini+ yopdi.
21 Yahova amr etganidek Muso sandiqni muqaddas chodirga olib kirib, ajratib turadigan pardani osdi-da+, shohidlik sandig‘ini parda bilan to‘sib qo‘ydi+.
22 So‘ng Muso stolni+ uchrashuv chodiriga olib kirib, uni muqaddas chodirning shimol tomoniga — pardaning tashqi tarafiga qo‘ydi-da,
23 Yahova unga buyurganidek, Yahovaning oldida nonlarni stol ustiga taxladi+.
24 Keyin u uchrashuv chodiridagi stolning qarama-qarshisiga — muqaddas chodirning janub tomoniga chiroqpoyani qo‘ydi+.
25 Yahova Musoga buyurganidek, u Yahovaning oldida chiroqlarni yoqdi+.
26 So‘ng u uchrashuv chodiriga tilla qurbongohni+ olib kirib, pardaning oldiga qo‘ydi.
27 Yahova Musoga buyurganidek, qurbongohda xushbo‘y tutatqi+ tutatilishi uchun u shunday qildi+.
28 Keyin u muqaddas chodirning kiraverishiga parda osdi+.
29 Muqaddas chodir, ya’ni uchrashuv chodiri kiraverishiga kuydiriladigan nazrlar keltiriladigan qurbongohni qo‘ydi+. Yahova Musoga amr etganidek, bu qurbongohda u kuydiriladigan qurbonlikni+ va don nazrini kuydiradi.
30 Keyin u uchrashuv chodiri bilan qurbongohning o‘rtasiga tos qo‘ydi va yuvinish uchun ichiga suv quydi+.
31 Muso, Horun va uning o‘g‘illari tosdan suv olib, qo‘l-oyoqlarini yuvishdi.
32 Har safar uchrashuv chodiriga kirishdan yoki qurbongohga yaqinlashishdan oldin, Yahova Musoga amr etganidek, ular yuvinishardi+.
33 Oxiri u muqaddas chodir va qurbongoh atrofiga hovli barpo etib+, hovliga kiraverishda parda osib qo‘ydi+.
Shunday qilib, Muso ishni o‘z poyoniga yetkazdi.
34 Shunda uchrashuv chodirini bulut qoplay boshladi va Yahovaning ulug‘vorligi muqaddas chodirni to‘ldirdi+.
35 Chodirni bulut qoplab olgani hamda Yahovaning ulug‘vorligi muqaddas chodirni to‘ldirgani bois, Muso uchrashuv chodiriga kira olmadi+.
36 Bulut muqaddas chodirdan ko‘tarilganda, Isroil o‘g‘illari qarorgohni yig‘ishtirishardi. Butun safarlari mobaynida, bir yerdan boshqa yerga ko‘chib o‘tishganida ular shunday qilishar edi+.
37 Bulut ko‘tarilmaguncha, ular qarorgohni yig‘ishtirishmas edi+.
38 Butun Isroil xonadonining ko‘z o‘ngida, Yahovaning buluti muqaddas chodir ustida kunduzi, olov esa chodir ustida kechasi turardi. Butun safarlari mobaynida, ular bir yerdan boshqa yerga ko‘chib o‘tishganida shunday bo‘lar edi+.
Izohlar
^ Muso ularga yuvinishni buyurgan bo‘lishi mumkin.
