Ezra 3:1-13
3 Yettinchi oy boshlanganda+, o‘z shaharlarida yashayotgan isroilliklar hamjihat bo‘lib Quddusda yig‘ilishdi.
2 Haq Tangrining odami bo‘lmish Musoning Tavrot kitobida yozilganiga binoan, kuydiriladigan qurbonliklar keltirilishi uchun+, Yohuzadaxning o‘g‘li Yeshuva+ hamda boshqa ruhoniylar, shuningdek Shaltiyolning+ o‘g‘li Zarubabel+ va birodarlari o‘rinlaridan turib, Isroil Xudosiga atab qurbongoh qura boshladilar.
3 Atrofdagi xalqlardan qo‘rqayotgan bo‘lishsa-da+, qurbongohni avvalgi joyga qurdilar va unda Yahovaga atab kuydiriladigan qurbonliklar keltira boshladilar. Kuydiriladigan qurbonliklar ertalab va kechqurunlari keltirilardi+.
4 So‘ngra Tavrotda yozilgani bo‘yicha Chaylalar bayramini* nishonlashdi+ va har bir kun uchun qancha kuydiriladigan qurbonlik keltirish kerak bo‘lsa, har kuni shuncha qurbonlik kuydirishdi+.
5 Shu paytdan boshlab, ular muntazam kuydiriladigan qurbonliklarni+ keltira boshlashdi. Bundan tashqari, oy yangilanganda+, yil davomida Yahovaga atab nishonlanadigan muqaddas bayramlarda+ va Yahovaga ixtiyoriy nazrlarni+ olib kelganlar uchun qurbonliklar keltirishardi.
6 Garchi Yahovaning ma’badi uchun hali poydevor solinmagan bo‘lsa-da, yettinchi oyning birinchi kunidan boshlab+, ular Yahovaga atab kuydiriladigan qurbonliklar keltira boshlashdi.
7 Odamlar tosh yo‘nuvchilarga+ va har turli hunarmandlarga+ pul berib turishdi. Shuningdek, sidonliklar bilan tirliklarga, ular Fors shohi Kirning ruxsati bilan+ Livandan* Yaffaga dengiz orqali kedr daraxtining yog‘ochini olib kelishlari uchun+, oziq-ovqat, ichimlik va moy beradigan bo‘lishdi.
8 Haq Tangrining Quddusdagi uyiga kelishganidan ikki yil o‘tgach, o‘sha yilning ikkinchi oyida Shaltiyolning o‘g‘li Zarubabel, Yohuzadaxning o‘g‘li Yeshuva, ularning qolgan birodarlari, ruhoniylar va levilar hamda asirlikdan Quddusga qaytganlarning+ bari qayta qurish ishini boshlashdi. Ular 20 va undan yuqori yoshda bo‘lgan levilarni Yahovaning uyidagi qurilish ishlari ustidan nazoratchi qilib tayinlashdi.
9 Shunda Yahudoning* o‘g‘illari — Yeshuva, uning o‘g‘illari va birodarlari, Kadmil va uning o‘g‘illari, shuningdek levilardan bo‘lgan Xanadod, uning o‘g‘illari va birodarlari birgalikda haq Xudoning uyida olib borilayotgan ishlarga bosh-qosh bo‘lishdi+.
10 Quruvchilar Yahova ma’badining poydevorini solgach+, ruhoniylar o‘z kiyimini kiyib, qo‘llariga karnaylarini olishdi+, levilardan bo‘lgan Osif o‘g‘illari ham qo‘llariga zillarini olib, Yahovani ulug‘lash uchun Isroil shohi Dovud o‘rnatgan tartibga binoan saf tortishdi+.
11 Ular navbatma-navbat: «... chunki U yaxshidir, U mehr-sadoqatini Isroilga abadiy namoyon etadi»+,— deya qo‘shiq kuylagancha+ Yahovani ulug‘lab, Unga shukronalar ayta boshlashdi. Butun xalq esa Yahovaning uyiga poydevor solingani uchun, baland ovozda Yahovaga hamd-u sano aytar edi.
12 Talaygina ruhoniylar-u levilar, avvalgi ma’badni ko‘rgan yoshi ulug‘ xonadonlar boshlari uyning poydevori solinganini ko‘rgach+, baland ovozda yig‘lay boshladilar, ko‘plar esa quvonganidan hayqirardi+.
13 Xalq quvonch hayqiriqlarini yig‘i ovozidan ajrata olmay qoldi. Odamlar shu darajada baland hayqirishar ediki, ularning ovozi uzoq-uzoqlardan ham eshitilib turardi.
