Hizqiyo 5:1-17
5 Ey inson o‘g‘li, o‘tkir qilichni olgin-da, uni sartaroshning ustarasi sifatida ishlat. Soching bilan soqolingni qirib, sochlarni tarozida tort va uch qismga ajrat.
2 Qamal kunlari tugagach+, sochning bir qismini shahar ichida yoq. Boshqa qismini shahar atrofida qilich bilan maydalab chiq+. Uchinchi qismini esa shamolda uchirib yubor va Men ularning ortidan quvish uchun qilich yalang‘ochlayman+.
3 Bir tutam sochni olib, kiyiming etagiga tugib qo‘y.
4 Yana ozrog‘ini olovga tashlab yondir. Bu olov butun Isroil xonadoniga tarqaladi+.
5 Oliy Hukmdor Yahova shunday demoqda: “Bu — Quddus. Men uni xalqlar orasiga joylashtirdim, uni yurtlar o‘rab turibdi.
6 Ammo u atrofidagi xalqlar va yurtlardan ham yovuzroq ishlar qilib, hukmlarimu nizomlarimga qarshi chiqdi+. U hukmlarimni rad etib, nizomlarim bo‘yicha yo‘l tutmadi”.
7 Oliy Hukmdor Yahova shunday demoqda: “Atrofingdagi xalqlardan ham ko‘proq muammo tug‘dirding. Nizomlarim bo‘yicha yo‘l tutib, Mening hukmlarimni bajarish o‘rniga atrofingdagi xalqlarning hukmlarini bajarding+.
8 Shu bois, Oliy Hukmdor Yahova mana bunday demoqda: “Ey Quddus shahri, Men sening dushmaningman+. Senga qarshi chiqargan hukmlarimni xalqlarning ko‘z o‘ngida amalga oshiraman+.
9 Barcha jirkanch ishlaring tufayli, Men avval hech qilmagan va keyin ham qilmaydigan ishlarni senda amalga oshiraman+.
10 Ota-onalar bolalarining+, bolalar esa ota-onasining etini yeydi. Senga qarshi hukmimni amalga oshirib, omon qolganlarni har tarafga* tarqatib yuboraman”+.
11 Oliy Hukmdor Yahova shunday demoqda: “Hayotim bilan qasam ichib aytamanki, Mening muqaddas maskanimni jirkanch butlaring va razil ishlaring bilan bulg‘aganing uchun+, Men ham seni rad etaman. Senga achinmayman, rahm ham qilmayman+.
12 Shahardagi xalqning bir qismi o‘latdan halok bo‘ladi yoki ocharchilikdan qirilib ketadi. Boshqa qismi shahar atrofida qilichdan o‘ladi+. Qolganlarini esa har tarafga tarqatib yuboraman va Men ularning ortidan quvish uchun qilich yalang‘ochlayman+.
13 So‘ng g‘azabim bosilib, jahlimdan tushaman va taskin topaman+. Ularga qahrimni sochishdan to‘xtaganimda, Men — Yahova mutlaq sadoqatni talab qilganim uchun+ bularni aytganimni bilib olishadi.
14 Seni vayron qilaman va atrofdagi xalqlarga, yoningdan o‘tgan hammaga masxara bo‘lasan+.
15 Qahr-g‘azab ila sizlarga qarshi hukmimni ijro etib, qattiq jazolaganimda atrofdagi xalqlar oldida isnodga qolasizlar va sizlardan hazar qilishadi+, ular boshingizga tushgan ko‘rgiliklardan saboq olib, dahshatda qolishadi. Bularni Men — Yahova aytdim.
16 Sizlarni yo‘q qilish uchun ocharchilikning halokatli o‘qlarini yog‘diraman. Men yog‘dirgan o‘qlar sizlarni xarob qiladi+. Non zaxirangizni yo‘q qilib ocharchilikni yanada kuchaytiraman+.
17 Sizlarni ochlikka duchor qilib, ustingizga vahshiy hayvonlarni yuboraman+ va ular sizlarni farzandlaringizdan judo qiladi. O‘latu xunrezlikdan boshingiz chiqmaydi, Men sizlarga qarshi qilich keltiraman+. Bularni Men — Yahova aytdim”».
Izohlar
^ So‘zma-so‘z «har bir shamolga», ya’ni shamol esadigan har tomonga.
