Ibtido 14:1-24
14 O‘sha davrda Shinar+ shohi Omrafil, Elazar shohi Oriyox, Elam+ shohi Kado‘rlamar+, Go‘yim shohi esa Tidol edi.
2 Ular Sado‘m+ shohi Bera, G‘amo‘ra+ shohi Birsha, Adma shohi Shinav, Zavo‘yim+ shohi Shemover va Belax (ya’ni Zo‘var) shohiga qarshi urush boshlashdi.
3 Bu shohlar* kuchlarini birlashtirib, Siddim vodiysigacha+, ya’ni Tuz dengizigacha*+ borishdi.
4 Ular Kado‘rlamarga 12 yil xizmat qilgandan so‘ng, 13- yili bosh ko‘tarishdi.
5 Shunda 14- yili Kado‘rlamar va u bilan birga bo‘lgan shohlar kelib, Ashtaro‘t-Karnayimda rafaimlarni, Xomda zuzimlarni va Shovey-Xiratayimda emimlarni+ tor-mor qilishdi.
6 Shuningdek, Seir+ tog‘idagi xorliklarni+ cho‘l chekkasidagi El-Porongacha mag‘lub qilib borishdi.
7 So‘ng ular ortga qaytishdi-da, En-Mishpatga, ya’ni Kadeshga+ kelib, omoleklarning+ butun hududini zabt etishdi va Xazazon-Tamarda+ yashovchi amoriylarni+ tor-mor qilishdi.
8 Bu paytda, Sado‘m shohi bilan birga G‘amo‘ra shohi, Adma shohi, Zavo‘yim shohi va Belax (ya’ni Zo‘var) shohi urushga otlanib, Siddim vodiysida ularga qarshi jang qildi.
9 Elam shohi Kado‘rlamar, Go‘yim shohi Tidol, Shinar shohi Omrafil va Elazar+ shohi Oriyox ularga qarshi chiqdi; to‘rtta shoh beshta shoh bilan jang qildi.
10 Natijada Sado‘m va G‘amo‘ra shohlari lashkarlari bilan qocha boshlashdi. Ammo Siddim vodiysida smolali* chuqurliklar ko‘p bo‘lgani bois, ulardan ko‘pchiligi shu chuqurliklarga yiqilib tushdi, omon qolganlari esa tog‘larga qochib ketdi.
11 Shunda g‘alaba qozongan to‘rtta shoh, Sado‘m bilan G‘amo‘raning butun mol-mulki-yu oziq-ovqatlarini olib ketdi+.
12 Bundan tashqari, ular Ibromning jiyanini*, Sado‘mda yashovchi Lutni+ ham barcha mol-mulki bilan birga olib ketishdi.
13 Omon qolganlardan biri kelib, ibroniy bo‘lmish Ibromga bu haqda aytib berdi. Bu paytda Ibrom ittifoqdoshlari Eshko‘l bilan Onarning+ akasi amoriy Mamrening ulkan daraxtlari orasida, chodirlarda yashardi+.
14 Shu tariqa, Ibrom qarindoshi*+ asir qilib olib ketilganidan xabar topdi. Shunda u jang qilishga o‘rgatilgan odamlarini — o‘z xonadonida tug‘ilgan 318 nafar xizmatkorini olib, bosqinchilarni Dan+ shahrigacha quvib ketdi.
15 Kechasi u xizmatkorlari bilan guruhlarga bo‘lindi-da, bosqinchilarga hujum qilib, ularni mag‘lub etdi va Damashqning shimol tomonidagi Xo‘vaxgacha quvib bordi.
16 Ibrom butun mol-mulkini, qarindoshi Lutni va uning bor-budini hamda ayollar-u boshqa odamlarni qaytarib keldi.
17 Ibrom Kado‘rlamar va u bilan birga bo‘lgan shohlar ustidan g‘alaba qozonib qaytib kelayotganida, Sado‘m shohi uni qarshi olish uchun Shovey vodiysiga, ya’ni Shoh vodiysiga+ chiqdi.
18 Salim+ shohi Malikisidq+ non bilan sharob keltirdi. U, Alloh Taoloning ruhoniysi edi+.
19 Malikisidq Ibromni qutlab, shunday dedi:
«Osmon bilan yerning Yaratuvchisi Alloh TaoloIbromga barakasini yog‘dirsin;
20 Dushmanlaringni qo‘lingga berganAlloh Taolo sharaflansin!»
Shunda Ibrom unga hamma narsadan ushr* berdi+.
21 Bundan keyin Sado‘m shohi Ibromga: «Odamlarimni menga qaytarib, mol-mulkni o‘zingizga qoldiring»,— deb aytdi.
22 Shunda Ibrom Sado‘m shohiga: «Qo‘limni ko‘tarib, osmon bilan yerning Parvardigori Alloh Taolo Yahova oldida qasam ichib aytamanki,
23 hech narsangizni, hatto bir ipingizni ham, sandalingiz bog‘ichini ham olmayman. Tag‘in: “Ibromni men boy qildim”,— deb yurmang.
24 Sizga tegishli bo‘lgan narsalardan, yigitlar yeb-ichgan yeguliknigina oldik. Ittifoqdoshlarim Onar, Eshko‘l va Mamrega+ kelsak, ular o‘z ulushlarini olishsin. Menga esa hech narsangizning keragi yo‘q».
Izohlar
^ Ehtimol, 1- oyatda aytib o‘tilgan shohlar.
^ Ya’ni O‘lik dengiz.
^ Yoki «asfalt, bitum»; tabiiy asfaltni bildiradi.
^ So‘zma-so‘z «akasining o‘g‘lini».
^ So‘zma-so‘z «ukasi».
^ So‘zma-so‘z «o‘ndan birini».
