Levilar 12:1-8
-
Farzand ko‘rgach poklanish (1-8)
12 Yahova Musoga yana shularni aytdi:
2 «Isroil o‘g‘illariga quyidagini ayt: “Agar ayol homilador bo‘lib o‘g‘il tug‘sa, hayz ko‘rgan paytdagidek, u yetti kun nopok hisoblansin+.
3 Sakkizinchi kuni bola sunnat qilinsin+.
4 Ayol keyingi 33 kun mobaynida o‘zini qondan tozalasin. Uning poklanish kunlari tugamaguncha, u hech qanday muqaddas narsaga tegmasin va muqaddas joyga kirmasin.
5 Agar ayol qiz tug‘sa, hayz ko‘rgan paytdagidek, 14 kun nopok hisoblansin. Keyingi 66 kun davomida u o‘zini qondan tozalasin.
6 O‘g‘li yoki qizi uchun poklanish kunlari o‘z nihoyasiga yetganda, u bir yashar qo‘chqorni kuydiriladigan qurbonlik+, g‘urrak yoki kaptar palaponini esa gunoh qurbonligi sifatida uchrashuv chodirining kiraverishiga olib kelib, ruhoniyga bersin.
7 Ruhoniy bularni Yahovaning huzuriga olib borib, uning gunohini yuvsin va ayol qon ketishidan pok bo‘ladi. O‘g‘il yoki qiz tuqqan ayolga tegishli qonun shudir.
8 Biroq ayolning yosh qo‘chqorni olib kelishga qurbi yetmasa, u ikkita g‘urrak yoki ikkita kaptar palaponini keltirsin+, birini kuydiriladigan qurbonlik sifatida, ikkinchisini gunoh qurbonligi qilib keltirsin. Ruhoniy ayolning gunohini yuvsin va u pok hisoblanadi”».
