Noxum 1:1-15
1 Nineviyaga* qarshi xabar+. Bu kitobda elqo‘shlik Noxumga* kelgan vahiy yozilgan.
2 Yahova mutlaq sadoqatni talab qiladigan+ va o‘ch oladigan Xudodir.Yahova qasos oladi, U g‘azabini sochishga tayyor turibdi+.
Yahova dushmanlaridan o‘ch oladi,U g‘azabini g‘animlari uchun saqlab qo‘yadi.
3 Yahova sabr-toqatli*+ va nihoyatda qudratlidir+,Ammo Yahova aslo jazosiz qoldirmaydi+.
U yurganda vayron qiluvchi shamol va bo‘ron ko‘tariladi,Bulutlar oyog‘i ostidagi changga o‘xshaydi+.
4 U dengizni koyib beradi+ va uni quritib qo‘yadi.U barcha oqar daryolarni quritib yuboradi+.
Bashan va Karmil qovjirab qoldi+,Livan* gullari so‘lidi.
5 Tog‘lar U tufayli titraydi,Tepaliklar erib ketadi+.
Uning oldida yer larzaga keladi,Zamin va unda yashovchilarni ham titroq bosadi+.
6 Uning qahri oldida kim ham tura oladi?!+
Qaynoq g‘azabiga kim dosh bera oladi?!+
Uning g‘azabi olovday sochiladi,Uning oldida qoyalar ham parchalanib ketadi.
7 Yahova yaxshidir+, qayg‘uli kunda U qal’a bo‘ladi+.
Undan panoh izlayotganlarga g‘amxo‘rlik qiladi*+.
8 U toshqin suvlar bilan Nineviyani* butunlay yo‘q qiladi.Uning dushmanlarini zulmat ta’qib etadi.
9 Yahovaga qarshi fitna uyushtiryapsizmi?!
U sizni butkul yo‘q qiladi.
Yana kulfat keltirishiga hojat qolmaydi+.
10 Nineviya aholisi bir-biriga chirmashib ketgan tikanga,Ichkilikdan* mast bo‘lgan kishiga o‘xshaydi.Olov ularni quruq somon kabi yutib yuboradi.
11 Puch maslahat berib,Yahovaga qarshi yovuz rejalar tuzadigan kimsa sendan chiqadi.
12 Yahova shunday demoqda:
«Ossuriyaliklar kuchga to‘la va ko‘pchilik bo‘lsa-da,Ular qirilib, yo‘q bo‘ladi*.
Ey Yahudo, seni jazolagan edim, ammo boshqa jazolamayman.
13 Ossuriya senga solgan bo‘yinturuqni endi sindiraman+,Kishanlaringni ikkiga bo‘lib tashlayman.
14 Ey Nineviya*, Yahova sen haqda shunday amr berdi:“Sening noming butunlay o‘chib ketadi.
Xudolaring uyidan o‘yma tasvirlar va quyma butlarni* yo‘q qilaman.
Jirkanch bo‘lganing uchun senga qabr tayyorlab qo‘yaman”.
15 Ana, xushxabar olib kelayotgan+,Tinchlik e’lon qilayotgan kishi tog‘lar oshib kelyapti!
Bayramlaringni nishonla+, ey Yahudo, ichgan qasamlaringni bajar.Chunki yovuz odam seni boshqa bosib olmaydi.
U butkul yo‘q qilinadi».
Izohlar
^ Yoki «Naynavo».
^ Ma’nosi «yupatuvchi».
^ Yoki «g‘azablanishga shoshmaydigan».
^ Yoki «Lubnon».
^ Yoki «yodda tutadi». So‘zma-so‘z «taniydi».
^ So‘zma-so‘z «uning joyini».
^ Yoki «Bug‘doydan tayyorlangan pivodan».
^ Boshqa variant «U orasidan o‘tib ketadi».
^ Yoki «Ey ossuriyalik».
^ Yoki «metall haykallarni».