Qonunlar 32:1-52
32 «Ey osmon, quloq sol, men gapiraman,Ey yer, quloq tut og‘zimdan chiqqan so‘zlarga.
2 Nasihatlarim yomg‘ir kabi to‘kiladi.So‘zlarim shabnam tomchilariday,Maysalar ustiga maydalab yoqqan yomg‘irday,O‘t-o‘lan ustiga sharros quygan jaladay bo‘ladi.
3 Yahovaning ismini e’lon etaman+.
Allohimizning ulug‘vorligini xabarlanglar!+
4 U — Qoya, Uning ishlari mukammaldir+,Barcha yo‘llari adolatli+,
Aslo nohaqlik qilmaydigan+ sadoqatli Xudodir+.U odil va haqdir+.
5 Ular bo‘lsa qabih ishlarga qo‘l urishdi+,
Ular Xudoning farzandlari emas, bunga o‘zlari sababchi+.
Ular egri va buzuq nasl!+
6 Yahovaga shunday munosabat ko‘rsatib bo‘ladimi+,Ey, befarosat va nodon xalq?!+
Axir sizlarni dunyoga keltirgan Otangiz+,Sizlarni yaratib, qo‘llab turgan Zot U emasmi?!
7 Qadimgi kunlarni eslanglar,O‘tmishdagi nasllar yashagan yillar ustida fikr yuritinglar.
Otangizdan so‘ranglar, u sizlarga aytib beradi+,Oqsoqollaringiz sizlarga so‘zlab beradi.
8 Taolo xalqlarga meroslarini berganda+,Odamatoning o‘g‘illarini* bir-biridan ajratganida+,Isroil o‘g‘illarining sonini inobatga olib+,Xalqlarning chegaralarini belgilagan+.
9 Chunki Yahovaning xalqi — Uning ulushi+,Yoqub Unga tegishlidir*+.
10 Xudo uni sahrodan+,Kimsasiz, uvullaydigan dashtdan topib olgan+.
Uni himoyalab, unga g‘amxo‘rlik qilgan+,Uni O‘zining ko‘z qorachig‘iday saqlagan+.
11 Palaponlariga uchishni o‘rgatgan burgutday,Ular uzra parvoz qiladi,Qanotlarini yozib, palaponlarini qo‘ndirib oladi,Ularni qanotlari ustida ko‘tarib yuradi+.
12 Yahovaning O‘zi Yoqubni yetaklagan+,
Yonida begona xalqlarning xudosi bo‘lmagan+.
13 Uni yerning yuqori joylariga olib chiqib+,Dalaning hosili bilan boqqan+.
Qoyatoshdagi asaldan yedirib,Qoyadan* oqqan moy bilan oziqlantirgan.
14 Uni qoramolning sariyog‘i, mayda molning suti bilan,Sara qo‘ylar bilan,Bashan qo‘chqorlari-yu takalari bilan,Oliy navli bug‘doy bilan boqib+,Uzum sharbatidan* — sharobidan ichirgan.
15 Yoshurun* semirib, o‘jarlik qila boshladi.
Sen semirib, yo‘g‘onlashib, bo‘rdoqi bo‘lib ketding+.
Shunda u yaratgan Xudodan voz kechib+,Uni qutqargan Qoyani mensimay qo‘ydi.
16 Ular begona xudolar bilan Uning g‘azabini qo‘zg‘atishdi+,Jirkanch narsalar bilan Uni ranjitishdi+.
17 Ular qurbonliklarini Allohga emas, jinlarga+,O‘zlari tanimagan xudolarga,Yaqinda paydo bo‘lgan yangi xudolarga,Ota-bobolari tanimagan xudolarga keltirishdi.
18 Qoya kabi bo‘lgan, senga otalik qilgan Tangringni unutding+,Seni dunyoga keltirgan Allohni yodingdan chiqarding+.
19 Yahova buni ko‘rib, ularni rad etdi+,O‘g‘il-qizlari Uni ranjitishgani uchun shunday qildi.
20 Shu bois, U bunday dedi: “Ulardan yuzimni o‘giraman+,O‘shanda ular qanday ahvolga tushishini ko‘raman,
Chunki ular buzuq nasl+,Sadoqat nimaligini bilmaydigan o‘g‘illar+.
21 Ular arzimas xudolar bilan g‘azabimni* qo‘zg‘atishdi+,Befoyda butlar bilan Meni ranjitishdi+.
Shu sababli, Men ham arzimas xalqlar bilan ularning rashkini qo‘zg‘ataman+,Aqlsiz xalq orqali ularni ranjitaman+.
22 Zero, g‘azabimdan o‘t chiqadi-da+,Go‘rning* qa’rigacha yonib+,Yerni butun hosili bilan birga yutib yuboradi,Tog‘larning poydevori ham alanga ichida qoladi.
23 Ularni ko‘pdan-ko‘p ofatlarga duchor qilaman.O‘qlarimni ularga qarataman.
24 Ochlik ularni holdan toydiradi+,Isitma va qattiq azoblar tinkasini quritadi+.
Ularga qarshi yirtqich hayvonlar-u+Zaharli ilonlarni* yuboraman.
25 Tashqaridagilar qilichdan halok bo‘ladi+,Ichkaridagilar esa dahshatga tushadi+,Bu yigit-u qizlarning,Go‘dagu keksaning boshiga tushadi+.
26 Men: “Ularni tarqatib yuboraman.Hatto ular haqidagi xotirani odamlar orasidan o‘chirib tashlayman”,— deb aytgan bo‘lardim.
27 Faqat dushmanlarning mazaxlaridan+,G‘animlar buni noto‘g‘ri talqin qilishidan qo‘rqdim+.
Chunki ular: “Buni Yahova qilgani yo‘q,O‘z qudratimiz bilan g‘olib chiqdik”+,— deb aytishadi.
28 Isroil xalqi bo‘lsa befarosat*,Ularda hech qanday idrok yo‘q+.
29 Qaniydi, dono bo‘lishganida!+ Bu to‘g‘rida yaxshilab o‘ylab ko‘rgan bo‘lishardi+.
Oqibati nima bilan tugashi haqida fikr yuritishardi+.
30 Agar Qoya ularni dushmanga topshirmasa+,Yahovaning O‘zi tutib bermasa,
Bir kishi 1 000 tasini quvib yeta olarmidi?Ikki kishi esa 10 000 tasini ta’qib qila olarmidi?+
31 Chunki dushmanlarning qoyasi, bizning Qoyamiz+ kabi emas,Buni hatto ularning o‘zlari ham tushunishadi+.
32 Ularning toklari Sado‘m toklaridan,Uzumzorlari G‘amo‘ra+ uzumzorlaridan olingan.
Uzumlari zaharli,Shingillari achchiqdir+.
33 Sharoblari — ilonlarning zahriday,Kobralarning qo‘rqinchli og‘usiday.
34 Ularning barcha qilmishlarini muhrlab,Omborimda saqlab qo‘yaman+.
35 Qasos Meniki, Men jazolayman+,Belgilangan vaqt kelganda, oyoqlari sirpanib ketadi+.Zero, ularning boshiga kulfat tushadigan kun,Ularni kutib turgan hodisalar shiddat ila yaqinlashib kelyapti”.
36 Yahova xalqini hukm qiladi+,O‘z xizmatchilariga esa rahm-shafqat ko‘rsatadi*+.Chunki ular darmonsizlanib qolganini,Tirik qolganlar nochor va ojiz ahvolda ekanini ko‘radi.
37 So‘ng U bunday deydi: “Ularning xudolari+,Panoh deb bilgan qoyasi qani?!
38 Qurbonliklarining yog‘ini* yeb,Ichimlik nazrlarining sharobini ichgan xudolari qani?!+
O‘shalar ularga yordamga kelsin.
O‘shalar ularning panoh joyi bo‘lsin.
39 Xudo Men ekanimni+,Mendan boshqa xudolar yo‘qligini bilib qo‘yinglar+.
O‘ldiradigan ham, hayot baxsh etadigan ham Menman+.
Jarohatlaydigan+ ham, tuzatadigan+ ham Menman,Mening qo‘limdan hech kim qutqara olmaydi+.
40 Qasam ichib*,“Abadulabad borligim bilan”+ ont ichib aytamanki,
41 Yarqiragan qilichimni o‘tkirlab,Hukm qilishga tayyor bo‘lganimda+,Dushmanlarimdan o‘ch olaman+,Meni yomon ko‘rganlarni jazolayman.
42 O‘qlarimni qon bilan,O‘ldirilganlar va asirlarning qoni bilan mast qilaman.Qilichimni et bilan,Dushman rahnamolarining boshlari bilan to‘ydiraman”.
43 Ey xalqlar, Uning xalqi bilan birga quvoninglar+,Chunki U xizmatchilarining qoni uchun qasos olib+,Dushmanlarining jazosini beradi+,Xalqining yerini gunohdan forig‘ etadi*».
44 Muso kelib Nun o‘g‘li Ho‘sheya*+ bilan birga bu qo‘shiqning barcha so‘zlarini xalqqa bayon etdi+.
45 Muso barcha bu so‘zlarni butun Isroil xalqiga aytib bo‘lgach,
46 ularga dedi: «Qonunning barcha so‘zlariga astoydil amal qilishni o‘g‘illaringizga o‘rgatish uchun+, bugun men sizlarga aytgan ogohlantirish so‘zlarini qalblaringizga jo qilinglar+.
47 Boisi, bular behuda so‘zlar emas, sizlarga hayot baxsh etuvchi so‘zlardir+. Iordandan kechib o‘tib, egalik qilish uchun borayotgan yurtda, aynan shu so‘zlar tufayli uzoq vaqt yashay olasizlar».
48 Yahova o‘sha kuni Musoga dedi:
49 «Yerixoning qarshisidagi Mo‘ab yurtida joylashgan Aborimdagi+ Navo tog‘iga+ chiqib, Men Isroil xalqiga berayotgan Kan’on yurtini+ ko‘zdan kechir.
50 Bundan keyin, Xo‘r tog‘ida+ vafot etib o‘z xalqiga qo‘shilgan* akang Horun singari, sen ham o‘zing chiqadigan tog‘da hayotdan ko‘z yumib, o‘z xalqingga qo‘shilasan.
51 Sababi ikkovingiz ham Zin sahrosida, Kadeshdagi Mariva suvlari+ yonida turganingizda, Isroil xalqi oldida Menga xoinlik qildingizlar. Isroil xalqi oldida Meni ulug‘lamadingizlar+.
52 Men Isroil xalqiga berayotgan yurtni faqat olisdan ko‘rasan, lekin u yerga kira olmaysan»+.
Izohlar
^ Boshqa variant «inson irqini».
^ Yoki «Yoqub Uning merosidir».
^ So‘zma-so‘z «chaqmoqtosh qoyadan».
^ So‘zma-so‘z «qonidan».
^ Ma’nosi «halol, to‘g‘ri». Isroilning sharafli nomi.
^ Yoki «rashkimni».
^ Ibr. sheo‘l, ya’ni insoniyatning umumiy qabri. Lug‘atdagi «mozor» so‘ziga q.
^ Yoki «sudralib yuruvchilarni».
^ Boshqa variant «maslahatga qulog‘i kar».
^ Yoki «achinadi».
^ Yoki «ularning eng yaxshi qurbonliklarini».
^ So‘zma-so‘z «qo‘limni osmonga ko‘tarib».
^ Yoki «poklaydi».
^ Yoshuaning oldingi ismi. Ho‘sheya Ho‘shayyo degan ismning qisqartmasi. Ma’nosi «Yah tomonidan qutqarilgan; Yah xalos etdi».
^ Bu ibora orqali o‘lim, she’riy tarzda ifodalangan.
