Qonunlar 33:1-29
33 Haq Tangrining odami bo‘lgan Muso o‘limi oldidan Isroil o‘g‘illarini duo qildi+.
2 U bunday dedi:
«Yahova Sinaydan keldi+,Ularga Seirdan nurini sochdi.
Uning ulug‘vorligi Poron tog‘li hududidan yarqiradi+,Uning yonida tumonat muqaddas farishtalari*+,O‘ng tarafida jangchilari bor edi+.
3 U O‘z xalqini yaxshi ko‘radi+.Ey Allohim, xalqning barcha muqaddas kishilari Sening qo‘lingda+.
Ular Sening oyoqlaring yonida o‘tirib+,So‘zlaringni eshita boshlashdi+.
4 (Muso bizga qonun berdi+,Uni Yoqubning jamoati meros qilib oldi+.)
5 Xalq yo‘lboshchilari+,Butun Isroil qabilalari yig‘ilganda+,Xudo Yoshurunning*+ shohi bo‘ldi.
6 Ruben yashasin, o‘lmasin+,Odamlarining soni hech kamaymasin»+.
7 Muso Yahudoni shunday deya duo qildi+:
«Ey Yahova, Yahudoning+ ovozini eshit,Uni o‘z xalqining oldiga keltir.
O‘ziga tegishli narsani, u o‘z qo‘li bilan himoya qiladi*.Dushmanlari bilan kurashganda, unga yordam ber»+.
8 Levi haqida u bunday dedi+:
«Ey Tangrim, tummim bilan urim*+ Senga sadoqatli kishiga tegishlidir+.Sen uni Massaxda sinagansan+.
U bilan Mariva suvlari oldida bellashgansan+.
9 Levi o‘z ota-onasi to‘g‘risida: “Men ularga g‘amxo‘rlik qilmaganman”,— deb aytgan.
U hatto aka-ukalarini ham tan olmagan+,O‘z o‘g‘illariga esa beparvo bo‘lgan.
Chunki u Sening so‘zingni mahkam ushlab,Ahdingga amal qilgan+.
10 U Yoqubga Sening hukmlaringni+,Isroilga Qonuningni o‘rgatsin+.
U Sen uchun xush hidli tutatqi tutatsin+,Qurbongohingda butunlayin kuydiriladigan qurbonlik keltirsin+.
11 Ey Yahova, Uning quvvatini oshir,Qo‘llarining mehnatidan mamnun ekaningni ko‘rsat.
Undan nafratlanganlar qaytib tura olmay qolishi uchun,Ularga qarshi chiqqanlarning oyoqlarini* yanchib tashla».
12 Benyamin to‘g‘risida shunday deb aytdi+:
«Yahovaning azizi, Uning oldida xavfsizlikda yashasin;Kun bo‘yi uning panohi ostida,Uning yelkalari o‘rtasida yashasin».
13 Yusuf haqida quyidagilarni aytdi+:
«Yahova uning yeriga barakasini bersin+.Osmonning sara ne’matlarini,Shudring va buloq suvlarini+,
14 Quyosh o‘stirgan sarxil narsalarni,Har bir oyning sara hosilini+,
15 Qadimiy tog‘larning* a’lo tortiqlarini+,Boqiy tepaliklarning sifatli hadyalarini,
16 Yerning sara in’omlari-yu undagi bor narsalarni berib+,Tikanakli buta orasida zohir bo‘lganning marhamatiga sazovor qilsin+.
Bu barakalar Yusufning boshi ustida,Birodarlari orasidan tanlab olinganning boshidagi toji ustida bo‘lsin+.
17 Uning ko‘rki birinchi tug‘ilgan buqanikiday,Shoxlari yovvoyi buqaning shoxiday.
Shoxlari bilan u xalqlarni suzib,Yerning chetlariga qadar siqib chiqaradi.
Uning shoxlari — Efrayimning o‘n minglab lashkaridir+,Uning shoxlari — Manashening minglab lashkaridir».
18 Zabulun haqida u bunday dedi+:
«Ey Zabulun, safarga chiqqaningda xursand bo‘l,Issaxor, sen esa chodirlaringda shodlan+.
19 Ular xalqlarni tog‘ga chaqirib,
O‘sha yerda odillik qurbonliklarini keltirishadi.
Boisi, ular dengizning mo‘l-ko‘l boyligi-yuQumga yashirilgan xazinalari bilan oziqlanishadi».
20 Gad to‘g‘risida shularni aytdi+:
«Gadning chegaralarini kengaytirgan baraka topsin+.
U o‘sha yerda sher kabi yashaydi,O‘ljasining qo‘lini va hatto boshini uzib tashlaydi.
21 U o‘ziga eng yaxshi joyni tanlab oladi+,Chunki qonun chiqaruvchiga ajratilgan ulush o‘sha yerdadir+.
Xalq yo‘lboshchilari yig‘ilishadi.
U Isroil bilan birga Yahovaning adolati-yu,Uning hukmlarini amalga oshiradi».
22 Dan haqida bunday dedi+:
«Dan — shervachcha+,
U Bashandan sakrab chiqadi»+.
23 Naftali to‘g‘risida quyidagicha dedi+:
«Naftali Yahovaning iltifotiga qongan,Uning mo‘l-ko‘l barakasiga ega bo‘lgan.
U g‘arb-u janubdagi yerlarga egalik qilsin».
24 Osher haqida shunday deb aytdi+:
«Osher duo olib, ko‘p o‘g‘illi bo‘ldi.
U aka-ukalarining iltifotiga sazovor bo‘lsin,Oyoqlarini moyga botirsin*.
25 Darvozangning lo‘kidonlari temir va misdan yasalgan+,Umr bo‘yi xavf-xatarsiz yashaysan».
26 Muso davom etib dedi: «Yoshurunning+ Xudosiday haq Xudo yo‘qdir+,U senga yordam berish uchun samo bo‘ylab,Bulutlar uzra O‘z ulug‘vorligi bilan kelmoqda+.
27 Alloh qadim zamonlardan beri panohdir+,Uning abadiy qo‘llari seni qo‘llab kelmoqda+.
U dushmanlaringni oldingdan quvib chiqarib+:“Ularni qirib tashla!”+ — deb aytadi.
28 Isroil xavfsizlikda yashaydi,Yoqubning bulog‘i alohida,Don va yangi sharobga boy yurtda yashaydi+,Unga osmondan shudring tushib turadi+.
29 Baxtiyorsan, ey Isroil!+
Xaloskori Yahova bo‘lgan+,Senga o‘xshagan yana biron xalq bormi?!+U seni himoyalovchi qalqon+,Salobatli qilichingdir!
Dushmanlaring senga laganbardorlik qiladi+,Sen esa ularning orqasidan* bostirib borasan».
Izohlar
^ Yoki «o‘n minglarcha muqaddas zotlar».
^ Ma’nosi «halol, to‘g‘ri». Isroilning sharafli nomi.
^ Yoki «kurashadi».
^ Yoki «bellarini».
^ Boshqa variant «sharq tog‘larining».
^ Yoki «yuvsin».
^ Boshqa variant «yuqori joylariga».
