Sahroda 17:1-13
-
Horunning tayog‘i gullaydi (1-13)
17 Yahova Musoga dedi:
2 «Isroil o‘g‘illari bilan gaplashib, ularning har bir xonadoni* uchun bittadan tayoq — har bir xonadon yo‘lboshchisi+ uchun bittadan tayoq — jami 12 ta tayoq ol. Har birining ismini o‘zining tayog‘iga yozib qo‘y.
3 Horunning ismini esa Levining tayog‘iga yozib qo‘y, sababi har bir xonadon yo‘lboshchisi uchun bitta tayoq olinishi kerak.
4 Tayoqlarni uchrashuv chodiridagi shohidlik sandig‘ining+ oldiga, Men sizlarga doim zohir bo‘ladigan joyga qo‘y+.
5 Men kimni tanlasam+, o‘shaning tayog‘i kurtak chiqaradi. Shu yo‘sin, Mendan hamda sizlardan noligan+ Isroil xalqining nolishiga chek qo‘yaman»+.
6 Muso Isroil o‘g‘illari bilan gaplashgach, ularning barcha yo‘lboshchilari o‘z tayoqlarini — har bir xonadon yo‘lboshchisi o‘z tayog‘ini — jami 12 ta tayoqni Musoga berishdi. Horunning tayog‘i ularning tayoqlari orasida edi.
7 Muso tayoqlarni shohidlik sandig‘i turgan uchrashuv chodiriga, Yahovaning oldiga qo‘ydi.
8 Ertasi kuni Muso shohidlik sandig‘i turgan uchrashuv chodiriga kirib qarasa, Levi xonadonidan bo‘lgan Horunning tayog‘i ko‘karib, kurtak chiqaribdi va gullab, unda bodomlar pishibdi.
9 Shunda Muso Yahovaning oldiga qo‘yilgan hamma tayoqlarni olib chiqib, Isroil o‘g‘illariga berdi. Ular tayoqlarga qarab, har biri o‘zinikini oldi.
10 Bundan keyin Yahova Musoga: «Horunning tayog‘ini+ shohidlik sandig‘ining oldiga qaytarib qo‘y. Bu, isyonkorlar+ uchun belgi sifatida saqlansin+, toki ular Mendan nolib halok bo‘lmasin»,— dedi.
11 Muso shu zahotiyoq Yahova buyurganday qildi. U aynan aytilganday qildi.
12 Isroil o‘g‘illari bo‘lsa Musoga: «Endi biz o‘lamiz, aniq halok bo‘lamiz, hammamiz yo‘q bo‘lib ketamiz!
13 Kim Yahovaning muqaddas chodiriga hatto yaqinlashsa ham o‘ladi!+ Nahotki biz shunday o‘limga loyiq bo‘lsak?!»+ — deyishdi.
Izohlar
^ So‘zma-so‘z «ota xonadoni», ya’ni ota tomondagi oila nazarda tutilgan.