Sahroda 2:1-34
2 Yahova Muso bilan Horunga shunday dedi:
2 «Isroil o‘g‘illari uchta qabiladan tarkib topgan bo‘linmasi joylashgan+, o‘z xonadonining belgisi turgan joyga qarorgoh qurishsin. Ular qarorgohlarini uchrashuv chodiri turgan joyga qaratib, uning atrofiga qurishsin.
3 Uning sharqiga, kunchiqar tarafiga Yahudo qabilasi boshchiligi ostidagi uchta qabiladan tarkib topgan bo‘linma o‘z guruhlari* bo‘yicha joylashsin. Yahudo qabilasining boshi Ominadov o‘g‘li Naxsho‘n+.
4 Uning ro‘yxatdan o‘tgan askarlarining soni 74 600 kishidan iborat+.
5 Uning yoniga Issaxor qabilasi joylashsin. Issaxor qabilasining yo‘lboshchisi Zuvor o‘g‘li Natanil+.
6 Uning ro‘yxatdan o‘tgan askarlarining soni 54 400 kishidan iborat+.
7 Undan keyin esa Zabulun qabilasi joylashsin. Zabulun qabilasining yo‘lboshchisi Xalon o‘g‘li Eliyob+.
8 Uning ro‘yxatdan o‘tgan askarlarining soni 57 400 kishidan iborat+.
9 Yahudo qabilasining qarorgohidagi ro‘yxatdan o‘tgan askarlarning umumiy soni 186 400 kishidan iborat. Ular birinchi bo‘lib yo‘lga chiqishsin+.
10 Janub tomoniga Ruben+ qabilasining qarorgohidagi uchta qabiladan tarkib topgan bo‘linma o‘z guruhlari bo‘yicha joylashsin. Ruben qabilasining yo‘lboshchisi Shaduvor o‘g‘li Elizur+.
11 Uning ro‘yxatdan o‘tgan askarlarining soni 46 500 kishidan iborat+.
12 Uning yoniga Shimo‘n qabilasi joylashsin. Shimo‘n qabilasining yo‘lboshchisi Zurishaday o‘g‘li Shalumiyol+.
13 Uning ro‘yxatdan o‘tgan askarlarining soni 59 300 kishidan iborat+.
14 Undan keyin esa Gad qabilasi joylashsin. Gad qabilasining yo‘lboshchisi Ruvel o‘g‘li Eliasaf+.
15 Uning ro‘yxatdan o‘tgan askarlarining soni 45 650 kishidan iborat+.
16 Ruben qabilasining qarorgohidagi ro‘yxatdan o‘tgan askarlarning umumiy soni 151 450 kishidan iborat. Ular ikkinchi bo‘lib yo‘lga chiqishsin+.
17 Uchrashuv chodiri olib ketilishi kerak bo‘lganda+, levilar qarorgohi boshqa qarorgohlarning o‘rtasida bo‘lsin.
Qabilalar qarorgohda qanday joylashgan bo‘lsa, shunday tartibda, uchta qabiladan iborat bo‘linmasi bo‘yicha, har biri o‘z o‘rnida harakatlansin+.
18 G‘arb tomoniga Efrayim qabilasining qarorgohidagi uchta qabiladan tarkib topgan bo‘linma o‘z guruhlari bo‘yicha joylashsin. Efrayim qabilasining yo‘lboshchisi Omihud o‘g‘li Elishama+.
19 Uning ro‘yxatdan o‘tgan askarlarining soni 40 500 kishidan iborat+.
20 Uning yoniga Manashe+ qabilasi joylashsin. Manashe qabilasining yo‘lboshchisi Padozur o‘g‘li Gamaliel+.
21 Uning ro‘yxatdan o‘tgan askarlarining soni 32 200 kishidan iborat+.
22 Undan keyin esa Benyamin qabilasi joylashsin. Benyamin qabilasining yo‘lboshchisi Gido‘nax o‘g‘li Avidon+.
23 Uning ro‘yxatdan o‘tgan askarlarining soni 35 400 kishidan iborat+.
24 Efrayim qabilasining qarorgohidagi ro‘yxatdan o‘tgan askarlarning umumiy soni 108 100 kishidan iborat. Ular uchinchi bo‘lib yo‘lga chiqishsin+.
25 Shimol tomoniga Dan qabilasining qarorgohidagi uchta qabiladan tarkib topgan bo‘linma o‘z guruhlari bo‘yicha joylashsin. Dan qabilasining yo‘lboshchisi Omishaday o‘g‘li Oxazar+.
26 Uning ro‘yxatdan o‘tgan askarlarining soni 62 700 kishidan iborat+.
27 Uning yoniga Osher qabilasi joylashsin. Osher qabilasining yo‘lboshchisi Oxron o‘g‘li Paxiyol+.
28 Uning ro‘yxatdan o‘tgan askarlarining soni 41 500 kishidan iborat+.
29 Undan keyin esa Naftali qabilasi joylashsin. Naftali qabilasining yo‘lboshchisi Enan o‘g‘li Oxir+.
30 Uning ro‘yxatdan o‘tgan askarlarining soni 53 400 kishidan iborat+.
31 Dan qabilasining qarorgohidagi ro‘yxatdan o‘tgan askarlarning umumiy soni 157 600 kishidan iborat. Uchta qabiladan tarkib topgan ushbu bo‘linma uchta qabiladan tarkib topgan boshqa bo‘linmalar orasidan oxirgi bo‘lib yo‘lga chiqsin»+.
32 Bular — Isroil o‘g‘illari orasidan xonadonlari bo‘yicha ro‘yxatdan o‘tgan kishilar. Qo‘shinlari bo‘yicha ro‘yxatdan o‘tgan askarlar, jami bo‘lib 603 550 kishini tashkil etdi+.
33 Biroq levilar Yahova Musoga buyurganiday, boshqa qabilalar qatori+ ro‘yxatdan o‘tkazilmadi+.
34 Isroil xalqi hammasini Yahova Musoga buyurganday bajardi. Ular uchta qabiladan tarkib topgan bo‘linmalar bo‘yicha joylashishdi+, yo‘lga otlanganda ham shunday tartibda+, har biri o‘z oilasi va xonadonlari bilan birga yo‘lga chiqdi.
Izohlar
^ So‘zma-so‘z «qo‘shinlari».
