Sahroda 21:1-35
21 Nagavda yashaydigan kan’onlik Arod shohi+ Isroil o‘g‘illari Otorimga olib boradigan yo‘ldan ketayotganini eshitib, Isroil o‘g‘illariga hujum qildi va ulardan ba’zilarini asir oldi.
2 Shunda Isroil o‘g‘illari: «Agar shu xalqni bizning qo‘limizga bersang, biz uning shaharlarini yo‘q qilib yuboramiz»,— deb Yahovaga qasam ichishdi.
3 Yahova Isroil o‘g‘illarini eshitdi va kan’onliklarni ularning qo‘liga berdi. Ular kan’onliklarni va ularning shaharlarini yo‘q qilib yuborishdi. Shu bois, ular o‘sha joyga Xo‘rmax*+ deb nom berishdi.
4 Ular Xo‘r tog‘idan+ yo‘lga chiqib, Edom yurtini aylanib o‘tish maqsadida+, Qizil dengizga olib boradigan yo‘ldan yurdilar. Xalq yurgandan charchadi.
5 Xalq Xudoga va Musoga qarshi chiqib+: «Nega bizni Misrdan olib chiqdilaring? Sahroda o‘lib ketishimiz uchunmi? Bu yerda yegani oziq-ovqat ham, suv ham yo‘q+. Mana bu bemaza nonni esa ko‘rgani toqatimiz yo‘q»+,— dedi.
6 Shunda Yahova xalq orasiga zaharli* ilonlarni yubordi. Ilonlar odamlarni chaqqani uchun, ko‘p Isroil o‘g‘illari halok bo‘lishdi+.
7 Xalq Musoning oldiga kelib, unga: «Biz Yahovaga va sizga qarshi gapirib gunoh qildik+. Yahovaga yolvoring, ilonlarni oramizdan yo‘q qilsin»,— deyishdi. Muso xalq uchun yolvordi+.
8 So‘ng Yahova Musoga dedi: «Zaharli ilonning shaklini yasab, uni xodaga mahkamla. Kimni ilon chaqsa, o‘sha kishi unga qarasin, shunda u tirik qoladi».
9 Muso darhol misdan ilon yasab+, uni xodaga mahkamladi+. Ilon odamni qachon chaqmasin, u mis ilonga qaraganida tirik qolardi+.
10 Shundan keyin Isroil o‘g‘illari yo‘lga chiqishdi va Obo‘tga kelib qarorgoh qurishdi+.
11 Obo‘tdan yo‘lga chiqib, ular sharq tomonga — Ivay-Aborimga+, Mo‘ab qarshisidagi sahroga kelib qarorgoh qurishdi.
12 U yerni ham tark etib, Zarad vodiysida+ qarorgoh qurishdi.
13 U yerdan yo‘lga chiqib, ular amoriylarning chegarasigacha cho‘zilgan sahroga — Arnon hududiga borib qarorgoh qurishdi+. Arnon Mo‘abning chegarasida, Mo‘ab bilan amoriylarning o‘rtasida joylashgan edi.
14 Shu sababli, «Yahovaning jangnomasi» kitobida bunday deyilgan: «Sufadagi Vohib va Arnon vodiylari
15 hamda Or shahrigacha cho‘zilgan va Mo‘abga chegaradosh bo‘lgan vodiylar tutashadigan joy».
16 Keyin ular Berga* yo‘l olishdi. Yahova Musoga: «Xalqni yig‘, Men ularga suv beraman»,— deb shu quduq haqida aytgan edi.
17 Shunda Isroil o‘g‘illari mana bu qo‘shiqni kuylashdi:
«To‘lib tosh, ey quduq! Siz ham unga javob bering*!
18 Bu quduqni qazigandir beklar, kavlagandir uni xalq asilzodalari,Saltanat hassasi, o‘z hassalari ila».
So‘ng ular sahrodan yurib, Mattonoga borishdi.
19 Mattonodan Nahaliyolga, Nahaliyoldan chiqib Bomo‘tga+ yo‘l olishdi.
20 Ular Bomo‘tni tark etib, Mo‘ab hududidagi vodiyga+ — Yishmon* manzarasi+ ko‘rinadigan Fisgax tepaligi+ tomon yo‘l olishdi.
21 Isroil xalqi amoriylar shohi Sixo‘nga xabarchilarni yuborib, shunday dedi+:
22 «Yurtingizdan o‘tib ketishimizga ruxsat bering. Dalangizni ham, uzumzoringizni ham kesib o‘tmaymiz. Hech bir qudug‘ingizdan suv ham ichmaymiz. Hududingizdan chiqib ketmagunimizcha Shoh yo‘lidan yuramiz»+.
23 Ammo Sixo‘n Isroil xalqiga o‘z hududidan o‘tib ketishga ruxsat bermadi. Sixo‘n hamma odamlarini yig‘ib, Isroil xalqiga qarshi chiqish uchun sahroga jo‘nadi va Yaxazga kelib ular bilan jang qildi+.
24 Biroq Isroil xalqi uni qilich bilan mag‘lub qildi+ va ommonliklar yaqinidagi Arnondan+ tortib, Yavoqqacha+ bo‘lgan yerlarni bosib oldi+. Zero Yazir+, ommonliklar hududining chegaralari edi+.
25 Isroil xalqi bu shaharlarning hammasini bosib oldi. Ular amoriylarning+ barcha shaharlarida — Xashbon va unga qarashli* shaharchalarda yashay boshlashdi.
26 Xashbon amoriylar shohi Sixo‘nning shahri edi. Sixo‘n Mo‘ab shohi bilan jang qilib, uning Arnongacha bo‘lgan barcha yerlarini tortib olgan edi.
27 Shu sababli mazax qilib, mana bu masalni aytishadi:
«Xashbonga kelinglar.
Sixo‘nning shahri qurilsin va mustahkamlansin.
28 Chunki Xashbondan olov chiqdi, Sixo‘nning shahridan alanga chiqdi.
Olov Mo‘abdagi Orni, Arnon tepaliklarining egalarini yutib yubordi.
29 Holingga voy, Mo‘ab! Vayron etilasan, ey Xamo‘sh+ xalqi!
U o‘z o‘g‘illarini qochqinlikka mubtalo qiladi, qizlarini amoriylar shohi Sixo‘nga asir qiladi.
30 Kelinglar, ularga hujum qilamiz.Xashbon Dibongacha+ vayron bo‘ladi,Uni No‘faxga qadar vayron qilamiz.Olov Midavogacha+ tarqaladi».
31 Shunday qilib, Isroil xalqi amoriylar yurtida yashay boshladi.
32 Keyin Muso Yazirni+ ko‘rib kelish uchun odamlarni yubordi. Isroil o‘g‘illari Yazirga qarashli shaharchalarni bosib olib, o‘sha yerda yashayotgan amoriylarni haydab chiqarishdi.
33 Shundan so‘ng ular burilib, Bashanga olib boradigan yo‘ldan yurishdi. Bashan shohi O‘g+ Edreyda+ ular bilan jang qilish uchun, butun xalqi bilan ularga qarshi chiqdi.
34 Yahova Musoga mana bu so‘zlarni aytdi: «Undan qo‘rqma+. Men uni, butun xalqini-yu yurtini qo‘lingga beraman+. Xashbonda yashagan amoriylar shohi Sixo‘n bilan nima qilgan bo‘lsang, u bilan ham shunday qilasan»+.
35 Ular O‘gni, uning o‘g‘illari va butun xalqini bitta qo‘ymay qirib tashlashdi+. Uning yurtini egallab olishdi+.
Izohlar
^ Ma’nosi «yo‘q qilish uchun topshirilgan».
^ Yoki «olovli».
^ Ma’nosi «quduq; chuqurlik».
^ Yoki «qo‘shiq kuylang».
^ Boshqa variant «cho‘l; sahro».
^ Yoki «uning atrofidagi».
