Sahroda 24:1-25
24 Isroilni duo qilib, Yahovani mamnun etganini tushungach, Balom yomon belgilarni izlamay qo‘ydi+. U yuzini sahro tomonga burdi.
2 Balom boshini ko‘tarib, qabilalari bo‘yicha chodir qurgan Isroil o‘g‘illarini ko‘rdi+. Shunda Allohning ruhi uning ustiga tushdi+.
3 Keyin u shunday deb gap boshladi+:
«Bavo‘r o‘g‘li Balomning,Ko‘zlari ochiq kishining gaplarini,
4 Xudoning so‘zlarini eshitgan kishining,Ko‘zlari ochiq holda yerga muk tushganda,Qodir Tangridan kelgan vahiyni ko‘rgan kishining gaplari+:
5 Ey Yoqub, chodirlaring naqadar go‘zal,Makoning qanchalar chiroylidir, ey Isroil!+
6 Vodiylar kabi,Daryo bo‘yidagi bog‘lar singari,Yahova o‘tqazgan aloe kabi,Suvlar bo‘yidagi kedr daraxti singari ular keng yoyilgan+.
7 Uning ikkita chelagidan suv oqib turar,Uning urug‘i* ko‘p suvlar bo‘yiga ekilar+,
Uning shohi+ O‘gaxdan ham buyukroq bo‘lar+,Uning shohligi mustahkam o‘rnatilar+.
8 Xudo ularni Misrdan olib chiqdi.U ular uchun yovvoyi buqaning shoxlari kabidir.
U xalqlarni, zulm o‘tkazuvchilarni yutib yuborar+,Ularning suyaklarini g‘ajib tashlar, o‘qlarini sindirar.
9 U yotib oldi, arslon singari yerga cho‘zildi,U sher kabidir, kim ham uni o‘rnidan qo‘zg‘ata olar?!
Seni duo qilganlar baraka topar,Seni la’natlaganlarga la’nat aytilar»+.
10 Shunda Boloqning Balomga g‘azabi qaynab ketdi. Boloq nafrat bilan kaftini kaftiga urdi-da, Balomga shunday dedi: «Dushmanlarimga la’nat aytgin deb seni chaqirtirgan edim+, sen bo‘lsang ularni uch marta duo qilishdan bo‘lak hech nima qilganing yo‘q.
11 Hoziroq uyingga jo‘na! Men senga izzat-ikrom ko‘rsatmoqchi edim+. Lekin Yahova seni sharafdan mahrum qildi».
12 Balom Boloqqa javoban: «Men siz yuborgan xabarchilarga:
13 “Boloq kumush-u oltinga to‘la uyini menga bersa ham, men Yahovaning amridan chetga chiqib, o‘z xohishimcha* na yaxshi, na yomon ish qila olaman. Yahova aytgan so‘zlarnigina gapiraman”+,— demaganmidim?
14 Mayli, men o‘z xalqimning oldiga qaytib ketaman. Biroq avval, bu xalq kelajakda* sizning xalqingizga nimalar qilishini aytib beray».
15 U shunday deb gap boshladi+:
«Bavo‘r o‘g‘li Balomning,Ko‘zlari ochiq kishining gaplarini+,
16 Xudoning so‘zlarini eshitgan kishining,Alloh Taolodan bilim olgan,Ko‘zlari ochiq holda yerga muk tushganda,Qodir Tangridan kelgan vahiyni ko‘rgan kishining gaplari:
17 Men uni ko‘raman, ammo hozir emas,Men uni ko‘raman, biroq yaqin orada emas.
Yoqubdan bir yulduz chiqar+,Isroildan saltanat hassasi+ ko‘tarilar+,
U Mo‘abning peshonasini*+,Jangovar o‘g‘illarining bosh suyagini parchalar.
18 Isroil o‘z jasoratini namoyon etganda,Edom uning mulkiga aylanar+,Ha, Seir+ o‘z dushmanlarining mulki bo‘lar+,
19 Yoqubdan zabt etuvchi chiqar+,Shaharda omon qolganlarni yakson etar».
20 U Omolekni ko‘rib, gapini shunday davom ettirdi:
«Omolek xalqlarning birinchisi edi+,Ammo u oxir-oqibat qirilib ketar»+.
21 Keyin u xayiniylarni+ ko‘rib, gapini shunday davom ettirdi:
«Sening turar joying mustahkamdir, u uyaga o‘xshab qoyaga qurilgandir.
22 Biroq Qayinni* kuydirib yuborguvchi kelar,
Ossuriya seni asir qilib olib ketishiga yana qancha qoldi?»
23 U so‘zini shunday deya davom ettirdi:
«Holingizga voy! Xudo bularni amalga oshirganda kim ham tirik qoladi?!
24 Kittim+ sohilidan kemalar kelar,Ular Ossuriyani bosib olar+,Ular Ibirni zabt etar,
Ammo u ularni ham xarob qilar».
25 Bundan so‘ng Balom+ o‘rnidan turdi-da, o‘z yeriga qaytib ketdi. Boloq ham o‘z yo‘liga ketdi.
Izohlar
^ Yoki «zurriyoti».
^ So‘zma-so‘z «o‘z yuragimdan».
^ Yoki «kunlarning oxirida».
^ Yoki «Mo‘ab boshining chakkalarini».
^ Ya’ni xayiniylar qabilasi.