Sahroda 25:1-18
25 Isroil o‘g‘illari Shitimda+ yashab yurganida, xalq Mo‘ab qizlari bilan jinsiy axloqsizlik qila boshladi+.
2 Bu ayollar o‘z xudolariga qurbonlik keltirish uchun xalqni taklif etishdi+. Xalq ularning xudolariga sajda qilib, xudolariga keltirilgan qurbonliklarni yeya boshladi+.
3 Shunday qilib, Isroil o‘g‘illari Piyordagi Baalga+ topinishdi. Yahovaning Isroil o‘g‘illariga achchig‘i keldi.
4 Yahova Musoga quyidagilarni aytdi: «Bunda aybdor bo‘lgan yo‘lboshchilarni yig‘ib, ularni qatl et va tanalarini kuppa-kunduzi, Yahovaning oldida osib qo‘y. Shunda Yahovaning Isroilga nisbatan otashin g‘azabi bosiladi».
5 Muso Isroil hakamlariga+: «Har biringiz Piyordagi Baalga topingan kishilarni o‘ldiringlar»+,— dedi.
6 Ammo ko‘p o‘tmay, Isroil o‘g‘illaridan biri Musoning hamda butun Isroil o‘g‘illari jamoasining ko‘z oldida, birodarlarining orasiga midiyonlik ayolni boshlab keldi+. Bu payt, Isroil o‘g‘illarining butun jamoasi uchrashuv chodirining kiraverishida yig‘lab turardi.
7 Ruhoniy Horunning nevarasi, Elazarning o‘g‘li Finxaz+ buni ko‘rib, o‘sha zahotiyoq jamoa orasidan chiqdi-da, qo‘liga nayzasini oldi.
8 Finxaz Isroil o‘g‘illaridan bo‘lgan o‘sha kishining ortidan chodirga kirdi va ikkalasiga nayza sanchdi. Nayza o‘sha kishining badaniga suqilib kirib, ayolning qornini* ham teshib o‘tdi. Shunda Isroil o‘g‘illariga yuborilgan o‘lat to‘xtadi+.
9 O‘lat dastidan 24 000 kishi nobud bo‘ldi+.
10 Keyin Yahova Musoga shularni aytdi:
11 «Ruhoniy Horunning nevarasi, Elazarning o‘g‘li Finxaz+ ularning Menga nisbatan bevafolik qilishiga chidab turolmay, Isroil xalqiga qarshi qo‘zg‘algan qahrimni qaytardi+. Shu bois, Men mutlaq sadoqatni talab etsam-da, Isroil o‘g‘illarini yo‘q qilib yubormadim+.
12 Sen unga ayt: “Men u bilan tinchlik ahdini qilaman.
13 Bu, asrlar osha u va uning avlodlari uchun ahd sifatida xizmat qiladi+. Chunki u Allohga nisbatan bevafolik qilinishiga chidab turolmadi+ va Isroil o‘g‘illarining gunohini yuvdi”».
14 Midiyonlik ayol bilan o‘ldirilgan kishining ismi Zimri edi. U Shimo‘n qabilasining xonadon yo‘lboshchisi Soluning o‘g‘li edi.
15 Midiyonlik ayolning ismi esa Xozbi bo‘lib, u Midiyon urug‘larining xonadon yo‘lboshchisi+ Zurning qizi edi+.
16 Keyinchalik Yahova Musoga shunday dedi:
17 «Midiyonliklarni tinch qo‘ymanglar, ularni yer tishlatinglar+,
18 chunki ular Piyorda ayyorlik bilan sizlarni gunohga og‘dirishdi va boshingizga tashvish keltirishdi+. Ular sizlarni midiyonlik yo‘lboshchining qizi, ya’ni Piyorda boshingizga o‘lat kelgan+ kuni o‘ldirilgan singillari Xozbi+ orqali gunohga og‘dirishdi».
Izohlar
^ Yoki «jinsiy a’zolarini».
