Sahroda 34:1-29
34 Yahova Musoga yana shunday deb aytdi:
2 «Isroil o‘g‘illariga mana bu yo‘l-yo‘riqlarni yetkaz: “Sizlar Kan’on yurtiga+ kirganingizda, sizlarga meros bo‘lib o‘tadigan ushbu Kan’on yurti va uning chegaralari quyidagilardan iborat bo‘ladi+:
3 Janubiy chegarangiz Edom yonidagi Zin sahrosi bo‘ylab cho‘ziladi. Sharqda esa janubiy chegarangiz Tuz dengizining* qirg‘og‘idan boshlanadi+.
4 Chegarangiz Akrabim qiyaligining+ janubidan qayrilib, Zingacha davom etadi va Kadesh-Barnaning janubiga yetib to‘xtaydi+. So‘ng Xazor-Addar tomongacha+, undan keyin Ozmongacha cho‘ziladi.
5 Ozmondan chegarangiz Misr vodiysi* tomonga yo‘nalishini o‘zgartirib, Buyuk dengizga* borib taqaladi+.
6 G‘arbiy chegarangiz Buyuk dengiz va uning qirg‘og‘i bo‘ladi. Bu, g‘arbiy chegarangiz bo‘ladi+.
7 Shimoliy chegarangiz esa quyidagicha bo‘ladi: Buyuk dengizdan Xo‘r tog‘igacha* chegarangizni belgilab chiqinglar.
8 Chegarangizni Xo‘r tog‘idan Levo-Xomatgacha*+ belgilab chiqinglar va chegara Zadodga yetib to‘xtasin+.
9 Keyin Zifro‘ngacha cho‘zilib, Xazor-Enanga yetib to‘xtasin+. Bu, shimoliy chegarangiz bo‘ladi.
10 Sharq tomonda chegarangizni Xazor-Enandan Shafomgacha belgilab chiqinglar.
11 Chegara Shafomdan Oyinning sharqidagi Rivlogacha cho‘zilib, Keneret dengizining*+ sharqidagi qiyaliklargacha yetib boradi.
12 Keyin Iordangacha cho‘zilib, Tuz dengiziga borib to‘xtaydi+. Shu chegaralargacha cho‘zilgan yer sizlarning yurtingiz bo‘ladi”+».
13 Muso bu yo‘l-yo‘riqlarni Isroil o‘g‘illariga yetkazdi: «Yahova to‘qqizta va bitta qabilaning yarmiga* berishni buyurgan va sizlar qur’a tashlab+, mulk sifatida bo‘lishib oladigan yer mana shudir.
14 Chunki Ruben qabilasi xonadoni bo‘yicha, Gad qabilasi xonadoni bo‘yicha va Manashe qabilasining yarmi o‘z merosini olib bo‘ldi+.
15 Shu ikkita qabila va bitta qabilaning yarmi kunchiqar tomondan, Yerixo qarshisidagi Iordan hududining sharq tarafidan o‘z merosini oldi»+.
16 Yahova Musoga yana bunday deb aytdi:
17 «Sizlarga yerni mulk sifatida ruhoniy Elazar+ bilan Nun o‘g‘li Yoshua+ bo‘lib beradi.
18 Yerni meros sifatida taqsimlashga yordam berish uchun, har bir qabiladan bittadan yo‘lboshchi tayinlanglar+.
19 Bu kishilarning ismlari quyidagicha: Yahudo qabilasidan+ Yafunax o‘g‘li Xolib+;
20 Shimo‘n qabilasidan+ Omihud o‘g‘li Shemuil;
21 Benyamin qabilasidan+ Xislon o‘g‘li Elidod;
22 Dan qabilasidan+ yo‘lboshchi Yaxli o‘g‘li Bukki;
23 Yusufning o‘g‘li+ Manashe qabilasidan+ yo‘lboshchi Efo‘d o‘g‘li Xanniel;
24 Efrayim qabilasidan+ yo‘lboshchi Shifton o‘g‘li Kamuvol;
25 Zabulun qabilasidan+ yo‘lboshchi Parno‘x o‘g‘li Elizofon;
26 Issaxor qabilasidan+ yo‘lboshchi Ozzon o‘g‘li Paltiyol;
27 Osher qabilasidan+ yo‘lboshchi Shalumi o‘g‘li Oxixud;
28 Naftali qabilasidan+ yo‘lboshchi Omihud o‘g‘li Padahiyol».
29 Yahova Kan’on yurtini Isroil o‘g‘illariga bo‘lib berishni shu kishilarga buyurdi+.
Izohlar
^ Ya’ni O‘lik dengiz.
^ Ya’ni O‘rta dengiz.
^ Qayerda joylashgani noma’lum; Livan tog‘ tizmasining cho‘qqisi bo‘lishi mumkin.
^ Yoki «Xomatning ostonasigacha».
^ Aslida bu ko‘l. Muqaddas Kitobda Genisaret ko‘li, Jalila va Tiveriya dengizi deb nomlanadi.
^ Manashe qabilasining yarmi.
