Yeremiyoning marsiyasi 3:1-66
3 Uning qahr tayog‘idan jafo chekkan odam menman.
2 U meni quvib chiqardi va yorug‘likda emas, qorong‘ilikda yurishga majbur qildi+.
3 Ha, U kun bo‘yi, qayta-qayta menga qarshi qo‘lini ko‘tardi+.
ב [Bet]
4 U etu terimni chiritib,Suyaklarimni sindirdi.
5 U meni qamal qilib, zaharli o‘t+ va jabru jafo bilan o‘rab oldi.
6 Allaqachon o‘lib ketgan odamday, meni qorong‘i joylarda o‘tirishga majbur qildi.
ג [Gimel]
7 Qochib qutula olmasligim uchun, U meni devor bilan qurshab oldi.U menga og‘ir mis kishanlar soldi+.
8 Men umidsizlikka tushib, yordam so‘rab yolvorganimda, U ibodatimni rad etdi+.
9 U yo‘nilgan toshlar bilan yo‘llarimni to‘sib qo‘ydi,Yo‘llarimni chalkashtirib yubordi+.
ד [Dalet]
10 U ayiqday, yashirinib yotgan sherday meni pistirmada poylab turibdi+.
11 U meni yo‘ldan sudrab chiqdi va tilka-pora qildi*,Meni tashlandiq holatga keltirdi+.
12 U kamonini bukib, o‘q uchun meni nishon qildi.
ה [Xe]
13 O‘qdonidagi o‘qlar bilan buyraklarimni teshib tashladi.
14 Barcha xalqlarga masxara bo‘ldim. Ular kun bo‘yi men haqda qo‘shiq kuyladi.
15 U menga achchiq narsalar yedirib, ermanga to‘ydirdi+.
ו [Vav]
16 U shag‘al bilan tishlarimni sindirib,Meni kulga beladi+.
17 Sen meni tinchligimdan mahrum etding. Yaxshilik nimaligini unutdim.
18 Shuning uchun o‘zimga: «Ko‘rkim, Yahovaga bo‘lgan umidim so‘nib qoldi»,— dedim.
ז [Zayin]
19 Qayg‘u-hasratimni, boshpanasiz qolganimni+, erman va zaharli o‘t+ yeganimni esga ol.
20 Sen albatta meni yodga olib, men tomon egilasan+.
21 Men bularni qalbimda saqlayman. Shu bois, sabr ila Seni kutaman+.
ח [Xet]
22 Yahovaning mehr-sadoqati tufayli biz yo‘q bo‘lib ketmadik+.Zero, Uning rahm-shafqati hech qachon tugamaydi+.
23 Ular har tong yangilanadi+. Sening sadoqating mo‘ldir+.
24 «Yahova mening ulushim+. Shuning uchun sabr ila Uni kutaman»+,— deb aytdim.
ט [Tet]
25 Yahova Unga umid bog‘laganga+, Uni izlaydigan insonga yaxshilik qiladi+.
26 Sukut saqlab*+ Yahovadan najot+ kutish yaxshidir.
27 Kishi uchun yoshlik chog‘ida qiyinchiliklarni boshdan kechirish* yaxshidir+.
י [Yod]
28 Xudo qiyinchiliklarga yo‘l qo‘ysa, bunday kishi yolg‘iz o‘tirib sukut saqlasin+.
29 U butunlay bo‘ysunib, yuzini tuproqga botirsin+. Ehtimol hali ham umid bordir+.
30 Urayotgan kishiga yuzini tutsin, haqoratlar ostida qolib ketsin.
כ [Kaf]
31 Zero, Yahova bizni abadiy tashlab ketmaydi+.
32 Garchi U qayg‘u-alam keltirgan bo‘lsa-da, mo‘l-ko‘l mehr-sadoqatiga ko‘ra rahm-shafqat ham ko‘rsatadi+.
33 Chunki Uning yuragida inson o‘g‘illariga jabr-zulm keltirish niyati yo‘q+.
ל [Lamed]
34 Butun dunyodagi mahbuslar toptalishiga+,
35 Alloh Taoloning ko‘z o‘ngida inson huquqi poymol etilishiga+,
36 Mahkamada nohaqlik qilinishiga— Bunday narsalarga Yahova chidab turolmaydi.
מ [Mem]
37 Yahova amr bermasa, kim biror narsa aytib, uni amalga oshira oladi?
38 Alloh Taoloning og‘zidanYaxshilik bilan birga yomonlik chiqmaydi.
39 Nega inson* qilgan gunohining oqibatlaridan nolishi kerak?+
נ [Nun]
40 Yo‘llarimizni tekshirib, diqqat bilan ko‘zdan kechiraylik+. Kelinglar, Yahovaga qaytaylik+.
41 Qo‘llarimizni osmonga ko‘tarib, Xudoga chin ko‘ngildan ibodat qilib+, shunday deylik:
42 «Biz gunoh qilib, Senga qarshi chiqdik+, Sen bizni kechirmading+.
ס [Samex]
43 G‘azab ichida Senga yaqinlashishimizga to‘sqinlik qilding+.Bizni ta’qib qilib, ayovsiz qirding+.
44 Ibodatimiz Senga yetib bormasligi uchun, bulutlardan to‘siq yasading+.
45 Sen bizni xalqlar orasida supurindi va axlatday qilding».
פ [Pe]
46 Barcha dushmanlarimiz bizga qarshi og‘izlarini ochdi+.
47 Qo‘rquv+, tuzoqlar, vayronagarchilik va halokat+ bizning ulushimiz bo‘ldi.
48 Xalqim qizining halokatini ko‘rib, ko‘z yoshlarim daryo bo‘lib oqdi+.
ע [Ayin]
49 To‘xtamasdan, tinimsiz yig‘layapman+.
50 Yahova osmondan qaramaguncha, bizga nazar solmaguncha yig‘layveraman+.
51 Shahrim qizlarining ahvolini ko‘rib, yurak-bag‘rim ezildi+.
צ [Sade]
52 Sababsiz dushmanlarim meni qushdek ovladi.
53 Ular chuqurda meni hayotdan mahrum etdi, menga toshlar otdi.
54 Suvlar ko‘tarilib boshimdan oshdi. Shunda: «Adoyi tamom bo‘ldim!» — dedim.
ק [Qof]
55 Ey Yahova, chuqurlik tubidan ismingni aytib chaqirdim+.
56 Tingla meni, yengillik va yordam berishingni so‘rab yolvorganimda quloqlaringni bekitma.
57 Seni chaqirgan kunimda menga yaqinlashib: «Qo‘rqma!» — deding.
ר [Resh]
58 Ey Yahova, mahkamada meni himoya qilding, hayotimni qutqarding+.
59 Ey Yahova, menga qanday yomonlik qilinganini ko‘rding, o‘tinaman, men uchun adolat o‘rnat+.
60 Ular mendan qasos olganini, menga qarshi fitnalar uyushtirganini Sen ko‘rding.
ש [Sin] yoki [Shin]
61 Ey Yahova, ular meni masxara qilganini, menga qarshi fitnalar uyushtirganini eshitding+.
62 Raqiblarimning aytgan so‘zlarini, kun bo‘yi men to‘g‘rimda pichirlashganini eshitding.
63 Qara! Ular o‘tirsa ham, tursa ham qo‘shiqlarida meni masxara qilyapti.
ת [Tav]
64 Ey Yahova, qilmishlariga yarasha ularga qaytar.
65 Ularni la’natlab, toshbag‘ir qilasan.
66 Ey Yahova, Sen g‘azab ichida ularning ketidan quvasan, yer yuzidan ularni yo‘q qilasan.
Izohlar
^ Boshqa variant «harakatsiz ahvolda qoldirdi».
^ Yoki «Sabr bilan».
^ So‘zma-so‘z «bo‘yinturuqni ko‘tarish».
^ So‘zma-so‘z «tirik odam».
