Yeremiyoning marsiyasi 4:1-22
א [Alef]
4 Yaltirab turgan sof oltin xiralashib qoldi!+
Muqaddas toshlar+ har bir ko‘cha burchagida sochilib yotibdi!+
ב [Bet]
2 Bir paytlar toza oltin kabi qimmatli bo‘lgan Sion o‘g‘illari,Kulolning qo‘li bilan yasalganSopol ko‘zaday qadrsiz bo‘lib qoldi!
ג [Gimel]
3 Hatto chiyabo‘rilar bolalarini emizadi,Xalqimning qizi esa sahrodagi tuyaqush singari+ shafqatsiz bo‘lib qoldi+.
ד [Dalet]
4 Chanqaganidan go‘daklarning tili tanglayiga yopishdi.
Bolalar yalinib non so‘rayapti+, lekin hech kim ularga bermayapti+.
ה [Xe]
5 Tansiq taom yeganlar endi ko‘chalarda ochlikdan o‘lyapti+.
Qimmatbaho kiyim* kiyib yurganlar+ endi kul uyumini quchoqlab yotibdi.
ו [Vav]
6 Sado‘m bir zumda yo‘q bo‘lib, unga hech kim yordam bermagan edi+.Xalqim qizining jazosi Sado‘m gunohi uchun olgan jazodan og‘irroq bo‘ldi+.
ז [Zayin]
7 Sionning nazr qilinganlari+ qordan ham toza, sutdan ham oq edi.
Ular marjonlardan ham qizil, yaltirab turgan sapfir toshiday edi.
ח [Xet]
8 Ularning ko‘rinishi ko‘mirdan ham qora bo‘lib qoldi.Ularni ko‘chalarda tanib bo‘lmaydi.
Terisi suyagiga yopishib+, qurigan cho‘pday bo‘lib qoldi.
ט [Tet]
9 Ocharchilikdan ko‘ra qilichdan o‘lganlarning ahvoli yaxshiroq+.Chunki ular yegani ovqat topolmay darmonsizlanib, qirilib ketyapti.
י [Yod]
10 Ilgari mehribon bo‘lgan onalar bolalarini o‘z qo‘llari bilan pishirdi+.
Xalqimning qizi qulaganida, farzandlari ularning motam taomiga aylandi+.
כ [Kaf]
11 Yahova O‘z g‘azabini sochdi,Otashin qahrini yog‘dirdi+.
Sionga o‘t qo‘yib, poydevorini kuydirib tashladi+.
ל [Lamed]
12 Yer yuzidagi shohlar va unumdor yerning butun aholisiDushman va yov Quddus darvozalaridan kirishiga ishonishmagan edi+.
מ [Mem]
13 Bularning bari shahar ichida odil insonlarning qonini to‘kkan+Payg‘ambarlarining gunohlari, ruhoniylarining qilmishlari tufayli sodir bo‘ldi+.
נ [Nun]
14 Ular ko‘r odamday+ ko‘chalarda adashib yurishdi.
Ular qon bilan bulg‘anganidan+Hech kim ularning kiyimiga qo‘l tekkiza olmadi.
ס [Samex]
15 Odamlar ularga: «Yo‘qolinglar, haromsizlar! Daf bo‘linglar, yo‘qolinglar! Bizga tegmanglar!» — deb baqiradi.
Ular uy-joysiz qolib, sarson bo‘lib yurishdi.
Xalqlar orasida shunday deyishdi: «Ular bu yerda yashamasin+.
פ [Pe]
16 Yahovaning O‘zi ularni tumtaraqay qildi+,Endi ularga iltifot ko‘rsatmaydi.
Odamlar ruhoniylarni hurmat qilmaydi+, oqsoqollarga marhamat ko‘rsatmaydi»+.
ע [Ayin]
17 Behuda yordam kutaverib ko‘zlarimiz toliqdi+.
Bizga najot berolmaydigan xalqdan yordam kutdik, ularga ko‘z tikdik+.
צ [Sade]
18 Ular har qadamda bizni ovlagandan+ shahrimiz maydonlarida yurolmay qoldik.
Oxiratimiz yaqin, kunimiz bitdi, oxiratimiz keldi.
ק [Qof]
19 Orqamizdan quvayotganlar osmondagi burgutdan ham tez edi+.
Ular tog‘lar osha bizni ta’qib qildi, ular sahroda bizga pistirma qo‘ygan edi.
ר [Resh]
20 Hayotimiz nafasi — Yahovaning moylangani+ asir olinib, ularning katta chuquriga tashlandi+.Biz u haqda: «Uning soyasida biz xalqlar orasida yashaymiz»,— degan edik.
ש [Shin]
21 Ey, Uz degan yurtda yashovchi Edom qizi, quvonib shodlan!+
Biroq kosa seni chetlab o‘tmaydi+, shunda sen mast bo‘lasan va yalang‘och badaning ochiladi+.
ת [Tav]
22 Ey Sion qizi, gunohlaring uchun olgan jazo o‘z nihoyasiga yetdi.
Endi U seni surgun qilmaydi+.
Ey Edom qizi, U xatolaringga nazar solib,
Gunohlaringni fosh qiladi+.
Izohlar
^ So‘zma-so‘z «Qirmizi», ya’ni qimmatbaho qirmizi kiyim.
