Yeremiyoning marsiyasi 5:1-22
5 Ey Yahova, boshimizga qanday ko‘rgilik tushganini yodda tut.
Qara, isnodga qolganimizni ko‘rib qo‘y+.
2 Mulkimiz begonalar qo‘liga, uylarimiz chet elliklar ixtiyoriga o‘tdi+.
3 O‘zimiz esa otasiz yetimday bo‘lib qoldik, onalarimiz bevalarga o‘xshab qoldi+.
4 Ichadigan suvimiz va o‘tinimiz uchun pul to‘lashga majburmiz+.
5 Ta’qib qiluvchilar bizlarni tutib olishiga oz qoldi.Biz holdan toydik, bizga tinim yo‘q+.
6 Nonga to‘yish uchun Misr+ bilan Ossuriyaga umid bog‘ladik+.
7 Ota-bobolarimiz gunoh qilib o‘tib ketdi, ammo qilmishlarining jabrini biz tortyapmiz.
8 Xizmatkorlar ustimizdan hukmronlik qilyapti. Bizni ularning qo‘lidan qutqaradigan hech kim yo‘q.
9 Cho‘lda qilich ko‘tarib yurganlar dastidan, hayotimizni xavf ostiga qo‘yib non topyapmiz+.
10 Ochlik azobidan terimiz o‘choqday qizigan+.
11 Siondagi xotinlar, Yahudo shaharlaridagi qizlar kamsitildi*+.
12 Beklar qo‘llaridan osib qo‘yildi+, qariyalarga hurmat ko‘rsatilmadi+.
13 Yigitlar qo‘l tegirmonini ko‘tarib yurdi, o‘g‘il bolalar o‘tinlarning og‘irligidan gandiraklab qoldi.
14 Shahar darvozasida oqsoqollar o‘tirmaydigan bo‘ldi+, yigitlar musiqa chalmay qo‘ydi+.
15 Ko‘nglimizni shodlik tark etdi, raqslarimiz azaga aylandi+.
16 Boshimizdagi tojimiz tushib ketdi. Holimizga voy, chunki biz gunoh qildik!
17 Shu sababdan yuragimiz dardu alamga to‘la+.Bu narsalardan ko‘zlarimiz xiralashib qoldi+.
18 Sion tog‘i huvullab yotgani uchun shu ahvoldamiz+. U yerda tulkilar izg‘ib yuribdi.
19 Sen esa, ey Yahova, taxtingda abadiy o‘tirasan.
Taxting avlodlar osha turaveradi+.
20 Nega bizni butunlay unutding? Nega bizni uzoq vaqtga tashlab ketding?+
21 Ey Yahova, bizni O‘zingga qaytar va biz bajonidil Senga qaytamiz+.
Qani endi hammasi avvalgiday bo‘lsa+.
22 Lekin Sen bizni tamoman rad etding.
Bizdan qattiq g‘azabdasan+.
Izohlar
^ Yoki «zo‘rlandi».
