Yoshua 20:1-9
-
Panoh shaharlar (1-9)
20 Keyin Yahova Yoshuaga shunday dedi:
2 «Isroilliklarga quyidagilarni ayt: “Muso orqali sizlarga aytganimdek, o‘zlaringiz uchun panoh shaharlar ajratinglar+.
3 Bordi-yu, kimdir birontasini tasodifan o‘ldirib qo‘ysa, u o‘sha yerga qochib borsin. Bu shaharlar, qon uchun qasos oluvchidan sizlarni himoya qiladi+.
4 Bunday kishi o‘sha shaharlardan biriga qochib borsin+ va shahar darvozasi yonida tursin+. U shahar oqsoqollariga bo‘lib o‘tgan voqeani bayon etsin. Oqsoqollar uni shaharga olib kirib, o‘zlari bilan yashashi uchun unga shahardan joy berishsin.
5 Agar qon uchun qasos oluvchi uni ortidan quvib kelsa, oqsoqollar uni qasoskorning qo‘liga topshirishmasin. Chunki u, o‘z yaqinini bexosdan o‘ldirib qo‘ygan va avval undan nafratlanmagan+.
6 Jamoa oldida hukm qilingunga qadar+, u kishi panoh shaharda qolsin. U o‘sha paytda xizmat qilayotgan oliy ruhoniy vafot etguncha shaharda yashasin+. Keyin, odam o‘ldirgan kishi qaysi shahardan qochib kelgan bo‘lsa o‘sha shaharga — o‘z shahriga va uyiga qaytib borsa bo‘ladi”+».
7 Shunday qilib, ular Naftali tog‘li hududida joylashgan Jaliladagi Kedeshni, Efrayim tog‘li hududidagi Shakamni va Yahudo tog‘li hududidagi Xirat-Arbani, ya’ni Xevronni shu maqsadda bag‘ishlashdi*.
8 Iordan hududining sharqiy qismida, Yerixoning yaqinida, Ruben qabilasidan yassi tepalikdagi sahroda joylashgan Bazerni+, Gad qabilasidan Giladdagi Ramo‘tni+ va Manashe qabilasidan+ Bashandagi Go‘lonni ajratishdi+.
9 Bu shaharlar barcha isroilliklar va ularning orasida yashayotgan musofirlar uchun ajratildi. Agar kimdir birontasini tasodifan o‘ldirib qo‘ysa, jamoa oldida hukm qilingunga qadar panoh shaharlarga qochib borsin+. Shunda u, qon uchun qasos oluvchining qo‘lidan omon qoladi+.
Izohlar
^ Yoki «muqaddas qilishdi».
