Yoshua 23:1-16
23 Yahova Isroil xalqiga atrofidagi barcha dushmanlaridan tinchlik berganidan keyin ancha vaqt o‘tdi+. Yoshua keksayib, umri oxirlab qolgan edi+.
2 Yoshua butun Isroilni, xalq oqsoqollarini, boshchilarini, hakamlari va boshliqlarini+ yig‘ib+, ularga shunday dedi: «Men keksaydim, umrim oxirlab qoldi.
3 Sizlarning manfaatingizni ko‘zlab, Allohingiz Yahova ushbu barcha xalqlar bilan nima qilganini o‘zingiz ko‘rdingiz. Xudoyingiz Yahova sizlar uchun jang qildi+.
4 Iordandan g‘arbga, Buyuk dengizga* qadar yashagan xalqlarni quvib chiqarib+, mana shu yurtni qur’a bo‘yicha sizlarga taqsimlab berdim+. Boshqa xalqlar haligacha yurtda yashayotgan bo‘lsa ham, yurt sizlarga tegishli+.
5 Tangringiz Yahova ularni oldingizdan haydab chiqardi+, manfaatingizni ko‘zlab ularni quvib chiqardi va sizlar Xudoyingiz Yahova va’da qilganiday, ularning yurtini egallab oldingiz+.
6 Musoning Tavrot kitobida yozilganlarga+ rioya qilib, hammasiga amal qilish uchun, jasoratli va mahkam bo‘linglar. Ulardan o‘ngga ham, chapga ham og‘manglar+.
7 Orangizda qolib ketgan xalqlarga qo‘shilmanglar+. Xudolarining nomini hatto tilga olmanglar+, ularning nomi bilan qasam ham ichmanglar. Ularga xizmat ham, sajda ham qilmanglar+.
8 Mana shu kunga qadar qilganingizdek, Allohingiz Yahovaga sodiq bo‘lib qolinglar+.
9 Yahova sizlardan ko‘proq va qudratliroq bo‘lgan xalqlarni oldingizdan quvib chiqaradi+. Shu kungacha hech bir kishi sizlarga qarshi tura olmadi+.
10 Bitta odamingiz ming kishini ta’qib qiladi+, chunki Tangringiz Yahova bergan va’dasiga muvofiq+, sizlar uchun jang qiladi+.
11 Xudoyingiz Yahovani sevinglar+, shunda hamisha omon bo‘lasizlar+.
12 Bordi-yu, Xudoni tark etib, orangizda qolib ketgan, sizlar bilan yashayotgan xalqlarga yopishib olsangiz+ va ular bilan quda-andachilik qilib+, ularga sherik bo‘lsangiz,
13 shunda amin bo‘lingki, Allohingiz Yahova bu xalqlarni oldingizdan quvib chiqarmaydi+. Tangringiz Yahova sizlarga bergan ushbu yaxshi yurtdan qirilib ketmaguningizcha, ular sizlar uchun qopqon va tuzoq, belingizga qamchiday+, ko‘zlaringizga kirgan tikanday bo‘ladi.
14 Mana, umrim ham oxirlab qoldi. O‘zlaringizga yaxshi ma’lumki, Xudoyingiz Yahova qanday yaxshi va’dalar bergan bo‘lsa, hech biri bajarilmay qolmadi. Va’dalarining hammasi amalga oshdi, birortasi ham puchga chiqmadi+.
15 Xudoyingiz Yahova bergan barcha ezgu va’dalar ro‘yobga chiqqaniday+, Yahova va’da qilgan barcha musibatlarni ham ustingizga yog‘diradi va Tangringiz Yahova sizlarga bergan ushbu yaxshi yurtdan qirilib ketasizlar+.
16 Agar Tangringiz Yahova rioya qilishingiz uchun bergan ahdni buzib, boshqa xudolarga xizmat va sajda qilsangiz, Yahovaning sizlarga qarshi g‘azabi alanga oladi+ va Uning O‘zi bergan ezgu yurtdan tezda qirilib ketasizlar»+.
Izohlar
^ Ya’ni O‘rta dengizga.
