Yunus 3:1-10
3 So‘ng Yahova ikkinchi marta Yunusga+:
2 «O‘rningdan tur-da, buyuk Nineviya+ shahriga borib, senga aytgan xabarimni e’lon qil»,— deb buyurdi.
3 Yunus o‘rnidan turdi va Yahovaning+ aytganiga quloq solib, Nineviyaga+ yo‘l oldi. Bu shahar juda katta* bo‘lib, uni aylanib chiqishga uch kun ketardi.
4 Nihoyat, Yunus shaharga kirib: «40 kundan keyin Nineviya vayron qilinadi»,— deya kun bo‘yi jar solib yurdi.
5 Nineviya aholisi Xudoga ishondi+. Ular ro‘za e’lon qilib, kichigidan tortib kattasigacha julga o‘randi.
6 Xabar Nineviya shohiga yetib borganda, u taxtidan tushib, shohona liboslarini yechdi-da, julga o‘ranib, kulga o‘tirdi.
7 Bundan tashqari, u butun Nineviya bo‘ylab quyidagilarni e’lon qilishni buyurdi:«Shoh va uning amaldorlarining farmonini eshitinglar: odamlar ham, hayvonlar ham, qoramol-u qo‘y-echkilar ham hech narsa yemasin. Ovqat ham yemasin, suv ham ichmasin.
8 Odamlar o‘zini va hayvonlarni julga o‘rasin. Ular Allohga yalinib-yolvorsin, yomon yo‘ldan qaytib, zo‘ravonlik qilishdan voz kechsin.
9 Kim bilsin, balki haq Tangri niyatidan qaytib*, otashin g‘azabidan tushar. Ehtimol, shunda halok bo‘lmasmiz».
10 Haq Tangri ularning harakatini, yomon yo‘ldan qaytganini ko‘rib+, boshlariga falokat yog‘dirish niyatidan qaytdi+.
