Zabur 118:1-29
118 Yahovaga shukronalar ayting, chunki U yaxshidir+,Uning mehr-sadoqati toabad bor bo‘ladi.
2 Isroil xalqi ham:
«Uning mehr-sadoqati toabad bor bo‘ladi»,— deb aytsin.
3 Horun xonadoni ham:
«Uning mehr-sadoqati toabad bor bo‘ladi»,— deb aytsin.
4 Yahovadan qo‘rqadiganlar ham:
«Uning mehr-sadoqati toabad bor bo‘ladi»,— deb aytsin.
5 Qayg‘uli kunimda Yahni* chaqirdim,Yah menga javob berib, xavfsiz yerga olib bordi+.
6 Yahova men tomonda ekan, qo‘rqmayman+.
Inson menga nima ham qila olardi?!+
7 Yordamchim Yahova men tomonda ekan*+,Mendan nafratlanganlar mag‘lubiyatini o‘z ko‘zim bilan ko‘raman+.
8 Insonlarga umid bog‘lagandan ko‘ra,Yahovadan panoh topgan afzalroq+.
9 Beklarga tayangandan ko‘ra,Yahovadan panoh topgan afzalroq+.
10 Barcha xalqlar meni o‘rab oldi,Ammo Yahovaning ismi bilanmen ularni quvib soldim+.
11 Ular meni qurshab oldi, ha, batamom qurshovda qoldim,Ammo Yahovaning ismi bilan men ularni quvib soldim.
12 Ular xuddi asalarilar kabi meni o‘rab oldi,Lekin tikanday lov etib yondi-yu, birpasda o‘chib qoldi.
Yahovaning ismi bilanMen ularni quvib soldim+.
13 Ular meni yiqitish uchun qattiq itarib yubordi*,Lekin Yahova menga yordam berdi.
14 Yah boshpanam va qudratimdir,U mening xaloskorim bo‘ldi+.
15 Odil kishilarning chodiridanQuvonch va g‘alaba hayqiriqlari eshitiladi.
Yahovaning o‘ng qo‘li qudratli ishlar qiladi+.
16 Yahovaning o‘ng qo‘li baland ko‘tariladi,Yahovaning o‘ng qo‘li qudratli ishlar qiladi+.
17 Yahning ishlarini e’lon qilish uchunMen o‘lmayman, men yashayman+.
18 Yah meni qattiq jazoladi+,Ammo o‘limga topshirmadi+.
19 Menga odillik darvozalarini oching!+Ulardan kirib, Yahni madh etay!
20 Bu Yahovaning darvozasidir.
Odillar u orqali kiradi+.
21 Seni madh etaman, zero menga javob berding+,Mening xaloskorim bo‘lding.
22 Quruvchilar keraksiz deb tashlagan tosh,Burchakka qo‘yiladigan negiz toshi* bo‘lib chiqdi+.
23 Buni Yahovaning O‘zi qildi+,Ko‘z o‘ngimizda mo‘jiza bo‘ldi+.
24 Bu kunni Yahova belgilagan,Bu kuni shod bo‘lib, xursandchilik qilamiz.
25 Ey Yahova, o‘tinamiz, bizni qutqar!
Yahova, yolvoramiz, bizga g‘alaba ato et!
26 Yahovaning nomidan kelayotgan inson baraka topsin!+Yahovaning uyida sizlarni duo qilamiz.
27 Yahova bizning Xudoyimizdir,U bizga nur taratadi+.
Qo‘lingizga novdalar olib, tantanali yurishda ishtirok eting+,Qurbongoh shoxlari oldigacha boring+.
28 Sen mening Xudoyimsan, Seni madh etaman!Allohim, Seni ulug‘layman+.
29 Yahovaga shukronalar ayting+, chunki U yaxshidir,Uning mehr-sadoqati toabad bor bo‘ladi+.
Izohlar
^ Yahova degan ismning qisqacha shakli.
^ Boshqa variant «menga yordam berayotganlar bilan birga».
^ Boshqa variant «Sen meni qattiq itarding».
^ So‘zma-so‘z «burchak boshi». Lug‘atda q.
