Zabur 132:1-18
Ziyorat qo‘shig‘i.
132 Ey Yahova, Dovudni,Uning barcha azob-uqubatlarini esla+.
2 U Yahovaga qasam ichgan edi,Yoqubning Qodir Xudosiga shunday va’da bergandi+:
3 «Men chodirimga, o‘z uyimga kirmayman+.
Yotog‘imga, o‘z to‘shagimga yotmayman.
4 Ko‘zlarimga uyqu bermayman,Qovoqlarim yumilishiga yo‘l qo‘ymayman,
5 Yahova uchun bir makon,Yoqubning Qodir Xudosi uchun a’lo maskan topmaguncha tinmayman»+.
6 Biz bu haqda Efratada+ eshitdik,Uni o‘rmonda topdik+.
7 Yuringlar, Uning maskaniga kiraylik+,Oyoq qo‘yadigan kursisi oldida sajda qilaylik+.
8 Qo‘zg‘al, ey Yahova, maskan qilgan yeringga+Qudrating ramzi bo‘lmish ahd sandig‘i bilan kir+.
9 Ruhoniylaring odillikni kiyimday kiyib olsin,Senga sadoqatli bo‘lganlar quvonchdan hayqirsin.
10 Xizmatkoring Dovud haqqiMoylanganingni rad etma+.
11 Yahova Dovudga ont ichgan edi.U bergan so‘zidan aslo qaytmaydi:
«Naslingdan bo‘lgan bittasiniTaxtingga o‘tqazaman+.
12 Agar o‘g‘illaring ahdimga,Men beradigan eslatmalarimga rioya qilsa+,Ularning o‘g‘illari hamSening taxtingda abadiy o‘tiradi»+.
13 Zero, Yahova Sionni tanladi+.Uni O‘ziga maskan qilishni istab+, shunday dedi:
14 «Bu yer Mening abadiy maskanimdir.Men shu yerda yashayman+, chunki bu Mening irodamdir.
15 Bu shaharga oziq-ovqatni mo‘l qilib beraman,Undagi kambag‘allarni nonga to‘ydiraman+.
16 Ruhoniylariga najotni kiyimday kiydiraman+,Undagi sadoqatli kishilar quvonchdan hayqiradi+.
17 O‘sha yerda Dovudning qudratini oshiraman*.
Moylanganim uchun chiroq tayyorlab qo‘yganman+.
18 Dushmanlariga sharmandalikni kiyimday kiydiraman,Uning boshidagi tojni esa yarqirataman»+.
Izohlar
^ So‘zma-so‘z «muguzi yuksaladi».
