Zabur 16:1-11
Miktam*. Dovud sanosi.
16 Meni himoya qil, ey Xudo, chunki Senda boshpana topganman+.
2 Yahovaga shunday deb aytdim: «Ey Yahova, Sen jamiki barakalarim Manbaisan.
3 Yer yuzida yashovchi muqaddas kishilar,Ulug‘vor kishilar menga ulkan quvonch baxsh etadi»+.
4 Boshqa xudolarga xizmat qilayotganlar, dard-alamlarini ko‘paytiradi+.
Ularning qon aralash ichimlik nazrlariga aslo sherik bo‘lmayman,Ismlarini tilga ham olmayman+.
5 Yahova ulushim, nasibamdir+, U mening kosamni to‘ldiradi+.
U merosimni qo‘riqlaydi.
6 Yaxshi yerlar menga ulush bo‘lib tegdi.
Ha, menga berilgan merosdan mamnunman+.
7 Menga pand-nasihat bergan Yahovani+ sharaflayman.
Hatto tunda ham chuqur o‘y-fikrlarim* menga ta’lim beradi+.
8 Yahovani hamisha yodimda tutaman+.
U mening o‘ng tomonimda ekan, men hech qachon tebranmayman+.
9 Shu bois, qalbim quvonadi, butun vujudim shodlanadi.
Men xavfsizlikda kun kechiraman.
10 Sen meni mozorda* tashlab ketmaysan+.
Sadoqatli xizmatching qabrga tushishiga* yo‘l qo‘ymaysan+.
11 Sen menga hayot so‘qmoqlarini ko‘rsatding+.
Huzuringda ulkan shodlik hukmrondir+,O‘ng tomoningda bo‘lish, toabad baxt-saodatga yetaklaydi.
