Zabur 49:1-20
Ijrochilar rahbari uchun ko‘rsatma. Ko‘rax o‘g‘illari sanosi+.
49 Tinglang, ey barcha xalqlar!
Diqqatli bo‘ling, ey dunyo ahli!
2 Katta-yu kichik,Boy-u kambag‘allar — baringiz tinglang!
3 Og‘zimdan dono so‘zlar chiqadi,Qalbimdagi o‘y-fikrlar+ tushuncham borligidan dalolat beradi.
4 Hikmatli so‘zga e’tibor qarataman,Arfa chalib jumbog‘imning yechimini aytaman.
5 Meni qulatishga urinayotgan yovuzlar qurshovida qolganimda,Og‘ir kunlar kelganda nega qo‘rqishim kerak?!+
6 O‘z boyligiga ishonganlar+,Ko‘p mol-mulki bilan maqtanib yurganlarning+
7 Hech biri hatto birodarini qutqara olmaydi,U uchun Xudoga to‘lov bera olmaydi+.
8 (Inson hayoti* uchun beriladigan to‘lov bahosi shu qadar qimmatki,Uni to‘lash aslo imkonsizdir.)
9 U abadiy yashab, qabr yuzini ko‘rmasligi uchun, uni qutqara olmaydi+.
10 Ularning har biri dono odamlar o‘lishini,Ahmoq va beaql kishilar birday halok bo‘lishini+,Ularning boyligi boshqalarga qolib ketishini biladi+.
11 Ular ich-ichidan uylari abadiy qolishini,Uy-joylari nasldan naslga o‘tishini istaydi,
Yer-mulklariga o‘z nomlarini beradi.
12 Inson qanchalik obro‘li bo‘lmasin, uzoq yashay olmaydi+,O‘lim oldida u hayvondan farq qilmaydi+.
13 Nodonlarning+, ularga ergashib,Ularning safsatalaridan huzur qiladiganlarning hayot yo‘li shundaydir. (Sela)
14 So‘yiladigan qo‘y singari ular mozorga* haydab boriladi.
O‘lim ularga cho‘ponlik qiladi,To‘g‘ri insonlar tong saharda ular ustidan boshqaradi+.
Ulardan nom-nishon ham qolmaydi+,Saroy emas, mozor*+ ularning uyi bo‘ladi+.
15 Biroq Alloh jonimni mozor* changalidan qutqaradi+,U meni O‘z himoyasiga oladi. (Sela)
16 Birovning boyligi ko‘payib,Xonadonining obro‘yi oshib ketganidan qo‘rqma.
17 Chunki u o‘lganda, o‘zi bilan hech narsa olib keta olmaydi+,Obro‘yi ham ortidan ergashib bormaydi+.
18 Hayotligida u o‘zini maqtaydi+.
(Farovonlikka erishsang odamlar seni ko‘klarga ko‘taradi.)+
19 Lekin oxir-oqibat u ham ota-bobolariga qo‘shiladi.
Ular yorug‘likni qayta ko‘rmaydi.
20 Buni tushunmaydigan inson qanchalik obro‘li bo‘lmasin+,O‘lim oldida u hayvondan farq qilmaydi.
Izohlar
^ Yoki «joni».
