Zabur 88:1-18
Qo‘shiq. Ko‘rax o‘g‘illari sanosi+. Ijrochilar rahbari uchun ko‘rsatma. Maxalat* uslubida navbatma-navbat kuylash uchun. Zerahiy Xamanning maskili*+.
88 Ey Yahova, mening najotkor Tangrim+,Kun bo‘yi Senga yolvoraman,Kechasi ham huzuringda iltijo qilaman+.
2 Ibodatim Senga yetib borsin+,Yordam so‘rab qilgan nolalarimga quloq sol+.
3 Zero, musibatlar dastidan jonimdan to‘yib ketdim+,Hayotim mozor* yoqasida turibdi+.
4 Men bir oyog‘i go‘rda turganlar qatoridaman+,Tinka-madorim qolmadi+.
5 O‘liklar orasida qoldirilgan odamday,Qabrda yotgan murdadayman.Sen boshqa esga olmaydigan,Yordamingdan bebahra bo‘lgan inson kabiman.
6 Sen meni chuqur o‘raga,Qorong‘i joyga, tubsiz chohga tushirding.
7 Qahring ustimdan zilday bosib turibdi+,Halokatli to‘lqinlaring domida qoldim. (Sela)
8 Tanishlarimni mendan uzoqlashtirding+,Meni ularga jirkanch qilib qo‘yding.
Men qopqonga tushib, chiqa olmay qoldim.
9 Qayg‘u-alam chekkanimdan ko‘zlarim xiralashdi+,
Kun bo‘yi Senga yolvoraman, ey Yahova+.Qo‘llarimni ko‘tarib ibodat qilaman.
10 O‘liklarga mo‘jiza ko‘rsatgan bo‘larmiding?
Marhumlar turib Senga hamd-u sano ayta olarmidi?+ (Sela)
11 Sevging* qabrda,Sodiqliging qaro yerda* e’lon qilinarmidi?
12 Mo‘jizalaring zulmatda,Adolating unutilganlar diyorida ma’lum bo‘larmidi?+
13 Ammo yordam so‘rab Senga nola qilaveraman, ey Yahova+,Har tong ibodatlarim huzuringga yetib boradi+.
14 Ey Yahova, nahotki mendan voz kechgan bo‘lsang?+
Nega mendan yuzingni yashiryapsan?+
15 Yoshligimdan jabr-zulm chekib,O‘lim yoqasida yuraman+.Sen yo‘l qo‘ygan dahshatli narsalar dastidan holdan toydim.
16 Otashin g‘azabingga duchor bo‘ldim+,Vahimalaring meni barbod qildi.
17 Ular kun bo‘yi meni suv kabi qurshab turadi,Har tomondan* menga hujum qiladi.
18 Yor-u do‘stlarimdan meni ayirding+,Zulmat hamrohimga aylandi.
