111-QO‘SHIQ
Yahova — chin shodlik manbaidir
-
1. Bitmas-tuganmas xazinaday
Cheksizdir quvonch-baxtimiz.
Xudo chorlagan insonlar-la
Bugun ko‘paygay safimiz.
To‘lgay qalbimiz ko‘p sevinch-la,
Topsak Kalomdan gavharni.
Uni har kuni o‘rgansak gar,
Komil aylaymiz imonni.
So‘nmas quvonchning sohibimiz,
U misli gulxanday yongay.
Sinov, dardlarga yo‘liqsak ham,
Alloh matonat baxsh etgay.
(NAQAROT)
Bergay Yahova chin shodlik,
Nodir ijodi rom etgay.
Teran o‘ylari, buyuk ishlari
Qudrat-u mehrin madh qilgay.
-
2. Borliq mavjudot — shoh asardir,
Solgay u bizni hayratga.
Uni o‘rgangaymiz havas-la,
Aytib rahmatlar Tangriga.
Butun jahonda iftixor-la
Alloh xabarin yoyamiz.
Shohlik baraka keltirgay deb,
Shodlik-la e’lon qilamiz.
Ulkan xurramlik baxsh etgaydir
Mangu yangi er va osmon.
Tongni uyg‘otgan nur-shafaqdek
Shoshib kelmoqda bu zamon.
(NAQAROT)
Bergay Yahova chin shodlik,
Nodir ijodi rom etgay.
Teran o‘ylari, buyuk ishlari
Qudrat-u mehrin madh qilgay.
(Shuningdek, Qonun. 16:15; Ishayo 12:6; Yuhan. 15:11 ga qarang.)
