Rang-barang gullar, yulduzli osmon yoki shovullab oqayotgan sharsharaga qaraganingizda Parvardigorning qo‘lini ko‘rasizmi? Atrofimizdagi barcha yaratilgan narsalar Yahovaning ko‘zga ko‘rinmas fazilatlarini yaqqol namoyon etadi. (Rm 1:20) Ko‘zlarimiz bilan ko‘rayotgan narsalar ustida mulohaza yuritish uchun vaqt topsak, Allohning qudrati, sevgisi, donoligi, adolati va saxovatini anglab yetishimiz mumkin. (Zb 104:24)

Kundalik hayotingizda Yahovaning qaysi ijodlariga ko‘zingiz tushadi? Hatto shaharda yashasangiz ham, qushlar-u daraxtlarni ko‘rishingiz mumkin. Yahovaning ijodlarini diqqat ila kuzatish orqali kamroq tashvishlanishimiz, muammolarga to‘g‘ri munosabatda bo‘lishimiz va Yahova bizga abadiyat davomida g‘amxo‘rlik qila olishiga bo‘lgan ishonchimizni mustahkamlashimiz mumkin. (Mt 6:25–32) Bordi-yu, farzandlaringiz bo‘lsa, ularga Yahovaning benazir fazilatlarini ko‘rishga yordamlashing. Atrofimizdagi ijodlar uchun minnatdorchiligimiz oshgani sayin, Parvardigorimiz bilan do‘stligimiz tobora qalinlashib boradi. (Zb 8:3, 4)

«XUDONING IJODLARI UNING ULUG‘VORLIGINI AYON QILAR. YORUG‘LIK VA RANG», NOMLI VIDEONI TOMOSHA QILGACH, QUYIDAGI SAVOLLARGA JAVOB BERING:

• Qay yo‘sin pigmentlar tufayli ranglarni ko‘rishimiz mumkin?

• Nima sababdan ranglar tovlanadi?

• Nima uchun osmonda turli ranglarni ko‘ramiz?

• Uyingiz yonidagi ijodlar qanday ranglarga burkangani sizni hayratga solgan?

• Nega tabiatni diqqat bilan kuzatish uchun vaqt ajratishimiz kerak?