Muqaddas Kitob tadqiqlarini o‘tkazishga mo‘ljallangan yangi risola va kitobga ega bo‘lganimizdan juda xursandmiz! Yahova yanada ko‘proq shogird tayyorlash maqsadida qilayotgan harakatlarimizga baraka berishini so‘raymiz. (Mt 28:18–20; 1Kr 3:6–9) Xo‘sh, yangi asboblardan qanday foydalansak bo‘ladi?

«Hayotdan toabad zavqlaning! Muqaddas Yozuvlar asosida jonli suhbatlar» kitobida ta’lim berishning yangi usuli qo‘llanilgan ekan, tadqiqlarga tayyorgarlik ko‘rayotganingizda yoki ularni o‘tkazayotganingizda quyidagilarga amal qiling *:

• Darsda keltirilgan ma’lumotni o‘qib, savollarni muhokama qiling

• «O‘qing» deb belgilangan oyatlarni o‘qib, qiziquvchiga ularni amalda qanday qo‘llashni tushunishga yordam bering

• Videolarni qo‘yib bering va keltirilgan savollar yordamida ularni muhokama qiling

• Har safar bitta darsni to‘liq ko‘rib chiqishga harakat qiling

Xizmatda insonning qiziqishi bor-yo‘qligini aniqlash uchun avval unga risolani taklif qiling. (« Birinchi suhbatda “Hayotdan toabad zavqlaning!” risolasini qanday taklif qilsa bo‘ladi?» nomli ramkaga qarang.) Agar qiziquvchi bilan risolani tadqiq qilishni tugatgan bo‘lsangiz va u tadqiqni davom ettirishni istasa, unga kitobni taklif qilib, tadqiqni 4- darsdan boshlang. Bordi-yu, kimdir bilan tadqiq uchun mo‘ljallangan adabiyotlarimizdan birini tadqiq qilayotgan bo‘lsangiz, «Hayotdan toabad zavqlaning!» kitobiga o‘ting va tadqiqni qaysi darsdan davom ettirishni o‘zingiz hal qiling.

«TADQIQ BOSHLAGANINGIZDAN XURSANDMIZ» NOMLI VIDEONI TOMOSHA QILGACH, QUYIDAGI SAVOLLARGA JAVOB BERING:

• Qiziquvchilar yangi kitobdan nimalarni bilib olishadi?

• Nega tadqiqni boshlamoqchi bo‘lgan kishilarga bu videoni ko‘rsatishingiz kerak?

• Qiziquvchini qaysi maqsadlarni qo‘yishga va ularga erishishga undab turishingiz lozim? (« Har bir bo‘limning umumiy mavzusi va qo‘yiladigan maqsadlar» nomli ramkaga qarang)