Qiyinchiliklar bizni osongina tushkunlikka tushirishi mumkin, ayniqsa, ular uzoq davom etsa. Dovud bilganki, shoh Shoul tufayli yuzaga kelgan qiyinchiliklari bir kun kelib tugaydi va u Yahova va’da berganiday shoh bo‘ladi. (1Shh 16:13) Imon Dovudga sabr qilishga va Yahovani kutishga yordam bergan.

Qiyinchiliklar paytida vaziyatimizni o‘zgartirish uchun zakovat, bilim va tafakkurni ishga solishimiz mumkin. (1Shh 21:12–14; Hk 1:4) Ammo Muqaddas Kitob prinsiplari asosida qo‘limizdan kelgan barcha narsani qilganimizdan keyin ham, ayrim muammolar o‘z yechimini topmaydi. Bunday vaziyatlarda sabr-toqatli bo‘lib, Yahovani kutishimiz kerak. Yaqinda U hamma azob-uqubatlarimizga chek qo‘yadi va ko‘zimizdagi «har qanday yoshni artib oladi». (Vh 21:4) Qiyinchiliklardan Yahovaning aralashuvi tufayli qutulamizmi yoki boshqa sabablarga ko‘rami, bir narsani yodda tutishimiz darkor: barcha qiyinchiliklar bir kun kelib tugaydi. Buni bilish bizga tasalli berishi mumkin.

«BO‘LINGAN DUNYODAGI BIRLASHGAN XALQ» NOMLI VIDEONI TOMOSHA QILGACH, QUYIDAGI SAVOLLARGA JAVOB BERING:

• Qo‘shma Shtatlarning janubidagi ayrim masihiylar qanday qiyinchiliklarga duch kelishgan?

• Ular sabr-toqat va sevgini qay yo‘sin namoyon etishgan?

• Qanday qilib ular diqqatini muhimroq narsalarga qaratishda davom etishgan? (Flp 1:10)