Jamoat yig‘ilishlari pok topinishning muhim qismidir. (Zb 22:22) Yahovaga topinish uchun yig‘ilayotganlar quvonch va barakaga ega bo‘lishyapti. (Zb 65:4) Qiziquvchilar yig‘ilishlarga muntazam qatnashsa, odatda tezroq ma’nan o‘sishadi.

Qiziquvchilar yig‘ilishlarga qatnashiga qanday ko‘maklasha olasiz? Ularni taklif qilishda davom eting. «Yig‘ilish Zalida nimalar bo‘ladi?» nomli videoni ko‘rsating va yig‘ilishlar ularga qanday foyda keltirishini tushuntiring. (lff 10- dars) Shuningdek, jamoat uchrashuvida siz bilib olgan muayyan fikrni yoki keyingi uchrashuvda nimalar muhokama qilinishini aytib berishingiz mumkin. Qiziquvchilarga yig‘ilishda o‘tiladigan adabiyotlarni bering yo «JW Library®» ilovasidagi «Yig‘ilishlar» qismini ko‘rsating. Qolaversa, yig‘ilishga bora olishlari uchun yordamingizni taklif qilsangiz bo‘ladi. Qiziquvchilar ilk bor yig‘ilishga kelganida, qilgan har bir harakatingiz zoe ketmaganini ko‘rasiz. (1Kr 14:24, 25)

«MUQADDAS KITOBNI O‘RGANAYOTGANLARGA YIG‘ILISHLARGA QATNASHGA KO‘MAKLASHING» NOMLI VIDEONI TOMOSHA QILGACH, QUYIDAGI SAVOLLARGA JAVOB BERING:

• Qay yo‘sin Nita imkoniyatdan foydalanib, Jeydni jamoat yig‘ilishiga taklif qildi?

• Nega qiziquvchi jamoat yig‘ilishiga kelganida xursand bo‘lamiz?

• Jeyd ilk bor yig‘ilishga kelganida nimalarni his qildi?