BUNING MUHIMLIGI. Muqaddas Kitobni shaxsan tadqiq qilsak, «haqiqatning kengligi, uzunligi, balandligi, teranliklarini to‘liq anglay» olamiz. (Ef 3:18) Shaxsiy tadqiq ushbu yovuz dunyoda benuqson va pok qolib, «hayot kalomini mahkam tutishimizga» yordam beradi. (Flp 2:15, 16) Qolaversa, u o‘zimizga kerak bo‘lgan ma’lumotni topish imkonini beradi. Muqaddas Kitobni o‘qish va tadqiq qilishga ajratadigan vaqtimizdan qay yo‘sin to‘laqonli foydalana olamiz?

AMALGA OSHIRISH YO‘LLARI.

• Muqaddas Kitobingiz qog‘oz shaklida yo elektron formatda bo‘lishidan qat’iy nazar, tadqiq paytida o‘zingiz uchun foydali deb topgan oyatlarning tagiga chizing va ularga qaydlar qiling

• Allohning Kalomini o‘qiyotganingizda o‘zingizga shunday savollar bering: «Kim? Nima? Qachon? Qaerda? Nega? Qay yo‘sin?»

• Qo‘shimcha ma’lumot izlang. Tadqiq uchun mavjud bo‘lgan qo‘llanmalardan foydalanib, mavzu va oyat bo‘yicha izlanish olib boring

• Ma’lumotni o‘zingizga qanday qo‘llash mumkinligini ko‘rish uchun o‘qiganlaringiz ustida fikr yuriting

• O‘rganganlaringizni kundalik hayotingizga tatbiq qilishga harakat qiling (Lq 6:47, 48)

«SAMARALI SHAXSIY TADQIQ ORQALI “HAYOT KALOMINI MAHKAM TUTING”» NOMLI VIDEONI TOMOSHA QILGACH, QUYIDAGI SAVOLLARGA JAVOB BERING:

• Ba’zilar shaxsiy tadqiqqa qanday ta’rif berishdi?

• Nega shaxsiy tadqiqimizni boshlashdan avval ibodat qilishimiz kerak?

• Muqaddas Kitob parchasini yaxshiroq tushunishimizga nima yordam bera oladi?

• Tadqiq uchun mo‘ljallangan Muqaddas Kitobimizga qanday belgilar qo‘yishimiz mumkin?

• Allohning Kalomini tadqiq qilganda nega fikr yuritish shunchalik muhim?

• O‘rgangan narsalarimiz bilan nima qilishimiz kerak?