Xudoning Kalomida dinozavrlar haqida aniq aytilmagan. Ammo Muqaddas Kitobga ko‘ra, Xudo «butun borliqni yaratgan» va shu bois, ijodlari orasida dinozavrlar ham bo‘lgan degan xulosaga kelishimiz mumkin a. (Vahiy 4:11) Garchi Muqaddas Kitobda dinozavrlar alohida tilga olinmagan bo‘lsa-da, ular mansub bo‘lishi mumkin bo‘lgan hayvonlar sinfi haqida aytilgan.

•   «Dengiz ajdarlari». (Ibtido 1:21, Turkiya 1998)

•   «O‘rmalab yuruvchi barcha jonzotlar». (Ibtido 1:25)

•   «Yovvoyi hayvonlar». (Ibtido 1:25)

Dinozavrlar boshqa hayvonlardan paydo bo‘lganmi?

 Agar shunday bo‘lganida, paleontologiya yozuvida dinozavrlar asta-sekin paydo bo‘lardi, lekin unda dinozavrlar to‘satdan tilga olina boshlagan. Bu Muqaddas Kitobda aytilganiday, Xudo barcha narsani yaratgani bilan mos kelyapti. Masalan, Zabur 146:6da Xudo «yer-u osmonning, dengiz va undagi bor narsaning Yaratuvchisi» ekani aytilgan.

Dinozavrlar qachon yashagan?

 Muqaddas Kitobga binoan, dengiz va yerdagi hayvonlar yaratilishning beshinchi va oltinchi kunida yoki davrida yaratilgan b. (Ibtido 1:20–25, 31) Demak, Muqaddas Kitobda yozilganlar dinozavrlar uzoq vaqt davomida yashagani borasidagi fikrga zid emas.

Begemot va leviatan dinozavr bo‘lganmi?

 Yo‘q. Garchi Ayub kitobida bu hayvonlar tilga olingan bo‘lsa-da, ular qanday hayvon bo‘lgani haqida aniq ayta olmaymiz. Odatda, begemot gippopotam va leviatan timsoh deb keltirilgan. Boisi, ular Muqaddas Yozuvlardagi ta’rifga mos keladi. (Ayub 40:15–23; 41:1, izoh, 14–17, 31) Nima bo‘lganda ham, «begemot» va «leviatan» dinozavr emas. Xudo Ayubga bu hayvonlarga diqqat qaratishni aytgan. Ayub esa, dinozavrlar yo‘q bo‘lib ketganidan ancha yillar o‘tib yashagan. (Ayub 40:16; 41:8)

Dinozavrlar bilan nima bo‘lgan?

 Muqaddas Kitobda dinozavrlar yo‘q bo‘lib ketgani haqida ma’lumot yo‘q. Lekin unda butun borliq Xudoning irodasi ila yaratilgani ta’kidlangan. Demak, Xudo dinozavrlarni yaratganda qandaydir maqsadni ko‘zlagan. (Vahiy 4:11) Maqsadiga erishganida esa, Xudo dinozavrlar qirilib ketishiga yo‘l qo‘ygan.