Agar jw.org saytining sahifasiga kirsangiz, 300 dan oshiq tillar ro‘yxatini ko‘rasiz. Mazkur tillardan ba’zilari boshqa hech qanday veb-saytda uchramaydi!

Mazkur tillar sonini boshqa keng taniqli veb-saytlar bilan solishtirib ko‘raylik. Masalan, 2013-yil iyul oyida Birlashgan Millatlar Tashkilotining veb-sayti 6 ta tilda mavjud edi. Yevropa davlatlarida Yevropa Ittifoqining rasmiy veb-saytini 24 ta tilda o‘qish mumkin. «Vikipediya» onlayn-ensiklopiyasi 287 ta tilda, «Google» izlash tizimi esa 71 tilda mavjud.

Veb-saytni 300 dan oshiq tilga tarjima qilish katta mehnatni talab qiladi! Dunyo bo‘ylab Yahovaga sharaf keltirmoqchi bo‘lgan minglab Shohidlar mana shunday ishni amalga oshirishadi. Ular, har bir til uchun alohida tashkil etilgan guruhlarda faoliyat yuritib, mahorat ila inglizcha matnni o‘z ona tiliga tarjima qilishadi.

jw.org veb-saytidagi ko‘pgina sahifalar 300 dan ziyod tilga tarjima qilingan. Ularning jami soni esa ulkan — 200 000 tadan ortiq chiqadi!

jw.org veb-sayti nafaqat keng ko‘lamli, balki taniqli ham bo‘lgan. Buning isbotini raqobatdosh veb-saytlarni belgilagan «Aleksa» nomli global internet trafikni tahlil qiluvchi nufuzli birlashmaning ma’lumotlaridan ko‘rsa bo‘ladi. Ro‘yxatga «Din va ma’naviyat» toifasidagi 87 000 ta veb-sayt, jumladan jahon dinlari va diniy nashriyotlaru shunga oid boshqa tashkilotlar ham kiradi. Xuddi shu ro‘yxatda 2013-yil iyul oyida jw.org veb-sayti ikkinchi o‘rinda turadi! Birinchi o‘rinda turli Muqaddas Kitob tarjimalarini onlay rejimida o‘qishni taqdim etadigan tijorat veb-sayti turibdi.

2013-yil oktyabr oyining o‘zida jw.org veb-saytiga kuniga 890 000 kishi kirganini aniqlandi. Biz bundan buyon ham, turli insonlar uchun Muqaddas Kitobga asoslangan foydali ma’lumotlar tayyorlashni istaymiz. Ular bu ma’lumotlarni bemalol kirib olishlari mumkin bo‘ladi.