Ta’limotlarimizni doim faqatgina Muqaddas Kitobga asoslaymiz. Shuning uchun, uni anglash borasidagi tushunchamiz oydinlashgani sayin ta’limotlarimizni ham o‘zgartiramiz a.

 Bunday o‘zgarish Hikmatlar 4:18 dagi quyidagi so‘zlarga muvofiq: «Odilning so‘qmog‘i tong shafag‘i kabidir, u tush paytiga qadar yorishib boraveradi». Quyosh chiqayotganda uning nurlari atrofni tobora yoritganidek, Xudo ham ilohiy haqiqatni tushunishimiz uchun uni asta-sekin o‘z vaqtida ochib beradi. (1 Butrus 1:10–12) Muqaddas Kitobda bashorat qilinganidek, Alloh «oxirzamonda» buni yanada tezlashtirdi. (Doniyor 12:4)

 Ta’limotlarimizning o‘zgarishi bizni na hayratga, na xavotirga solishi kerak. Xudoning qadimgi xizmatchilari ham noto‘g‘ri fikrlarga va o‘rinsiz umidlarga ega bo‘lib, nuqtai nazarini o‘zgartirishlari lozim edi.

•   Muso o‘zini Xudo belgilagan vaqtdan 40-yil ilgari yo‘lboshchi bo‘la olaman, deb hisoblagan. (Havoriylar 7:23–25, 30, 35)

•   Havoriylar Isoning o‘limi va tirilishi borasidagi bashoratni tushunishmagan. (Ishayo 53:8–12; Matto 16:21–23)

•   Ba’zi ilk masihiylar «Yahovaning kuni» borasida noto‘g‘ri tushunchalarga ega bo‘lishgan. (2 Salonikaliklarga 2:1, 2)

 Keyinchalik Xudo ularning tushunchalarini o‘zgartirgan va U bizga ham bunda yordam berishni davom ettirishi haqida ibodat qilamiz. (Yoqub 1:5)